Sjantar-Eilandn

Dat artikel es geschreevn in 't Noordelik West-Vlams.

De Sjantar-Eilandn (Russiesch : Шантарские острова, Shantarskiye ostrova) zyn 'n arsjiepêl van viftien eilandn geleegn dichte by de westlikke kuste van de Zêe van Okhotsk in Oeda-Boaje. De mêeste van die eilandn ên ruuwe klippn, mo ze zyn mo moatig ooge; 't oogste punt in d' eilandn-groep ligt ip 720 meetrs boovn de zêespeegle.

Eirdrykskunde

D' eilandn-groep wordt bestierd deur Rusland lik dêel van de provinsje Khabarovsk Kraj. De nateurlikke vegetoasje en de bêest-weirld maakn dêel uut van de boreoale busschn van Okhotsk-Mantsjoerye.

Eilandn

Bolshoj is 't grotste eiland in de Sjantar-groep, mêt 'n ippervlakte van 1790 km². 't Is roend de 72 km lank en 49 km brêed. 't Êt en grôot brak mêer da verboendn is mêt de zêe in 't nôordlik uutende lanst e smalle deurgank. De vissôortn Hypomesus japonicus en Hypomesus olidus zyn in da mêer te vienn ^[1].
Feklistova, mêt 'n ippervlakte van 372 km².
Malyy, mêt 'n ippervlakte van 100 km².
Medvezhiy, styf dichte by de kuste.
Belichiy, mêt 'n ippervlakte van 70 km².
Andr eilandn omvattn Prokofyeva, Sakharnaya Golova, Kusova, Ptichiy, Utichiy en Yuzhnyy.

Geschiednisse

D' eilandn zyn teegnwôordig oenbeweund mo ze woarn gekend deur de Giljak-stammn vor undre visgroendn.

D' êeste ipgeschreevn verkennienge van de Sjantar-Eilandn gebeurde in april 1640, ot de Russiesche oentdekkiengsreizgr Ivan Moskvitin no de moendienge van d' Amoer-Rieviere zeilde mêt e bende Kozakkn en ip de terugweg de Sjantar-Eilandn zag liggn. Moskvitin brocht verslag uut van zyn oentdekkiengn an Prins Sjtjerbatov, de Moskovietiesche kommandant van Tomsk. Gesteund ip 't verslag van Ivan Moskvitin wierd d' êeste Russiesche koarte van 't Verre Ôostn gemakt in moarte 1642. De Sjantar-Eilndn wierdn ook oendrzocht deur Russiesche landmeetrs tusschn 1711 en 1725 ^[2].

Ip 't ende van 2013 wierd 't Nasjonoal Park van de Sjantar-Eilandn (Национальный парк «Шантарские острова») gesticht deur Russchiesche weetnschapprs en nateurbeschermrs, mê de steun van de Weirld Nateur-Stichtienge (WWF) en verschillnde internasjonoale organiezoasjes, vo de nateure ip die eilandn te beschermn ^[3].

Eksterne koppliengn

(en) Ice ridging

Verwyziengn

↑ (en) Lake Bol'shoe
↑ (en) From the History of the Great Russian Geographical Discoveries in the Arctic and Pacific Oceans in the Seventeenth and First Half of the Eighteenth Centuries. by A. V. Efimov
↑ (en) Interfax 2014 Govt establishes Shantar Islands National Park Russia Beyond The Headlines

[1] (en) Lake Bol'shoe

[2] (en) From the History of the Great Russian Geographical Discoveries in the Arctic and Pacific Oceans in the Seventeenth and First Half of the Eighteenth Centuries. by A. V. Efimov

[3] (en) Interfax 2014 Govt establishes Shantar Islands National Park Russia Beyond The Headlines

[1]

[2]

[3]