Charliermuseum

’t Charliermuseum in Brussel was ôorsprounkelik de weunste van de ryke Brusselse commersant en mecenas Henri Van Cutsem. In 1890 liet ’n z’n hêrenuus verbouwen deur de joungn architect Victor Horta vo zyn kunstverzoamelienge te kunn tentôonstelln. By z’n dôod in 1904 erft de beeldhouwer Guillaume Charlier ‘t uus. In 1925 legateert Charlier ‘t hêrenuus en z’n verzoamelienge an de gemêente Sint-Joost-ten-Node met den ipdracht van d’r een oopnboar museum van te moakn. De plechtige openienge van ’t museum was ip 21 oktober 1928. De Belgische schilderkunst van ’t ende van de 19e êeuw wordt d’r in beeld gebrocht. De salongs zyn uutgerust me meubels en kunstversierienge in Louis XV-, LouisXVI- en Empirestyl en wandtapytn uut Brussel, Oudenoarde en ’t Fransche Aubusson.

Externe koppelienge

• Officiële site Charliermuseum