UNESCO weirelderfgoed

UNESCO-weirelderfgoed is een bus, een berg, een meer, een woestyne, een monument, een gebouw, een complex of een stad die voe redens van cultureêle of nateurlike karakteristiekn geziên wordn ols een gemeênschappelik erfgoed voa de mensheid. In 2013 woarn der 981 plekkn ip de lyste, versprêed over 160 landn. Italië hèt der 't mêeste mè 49.

België hèt der elve:

• 1998 - Vlamse begynhoovn
• 1998 - Scheepsliftn in 't Canal du Centre teegn La Louvière en Le Rœulx
• 1998 - Grôte Markt in Brussel
• 1999 - Belfortn in België (uutgebrêed met belfortn in Vrankryk in 2005)
• 2000 - Historisch center van Brugge
• 2000 - d' Hêernhuuzn van den Art-Nouveau-architect Victor Horta (in Brussel: Hotel Tassel, Hotel Solvay, Hotel van Eetvelde, huus en atelier van Horta (Hortamuseum))
• 2000 - Neolithische vierstêenmynn in Spiennes
• 2000 - Onze-Lieve-Vrouwekathedroale in Doornik
• 2005 - Plantin-Moretuscomplex in Antwerpn
• 2009 - Stocletpaleis in Sint-Pieters-Woluwe
• 2012 - De vier belangrykste mynsites van de Woaln: Grand-Hornu (by Mons), Bois du Cazier (by Charleroi), Bois-du-Luc (by La Louvière) en de myne van Blegny

Externe koppelienge

• (en) UNESCO's lyste van Weirelderfgoed

Ofbeeldiengn die ier by passn ku je vien in de categorie World Heritage Sites van Wikimedia Commons.