Spierhoan

Van Wikipedia
Gallinula chloropus
Joengsje van en woaterhoentje in d' Utkerkse Polders

't Spierhoantje of woaterhoentje (Gallinula chloropus, Nederlands: waterhoen) is ne veugel uut de familie van de ralln (Rallidae).

Spierhoantjes moakn nulder nestn meestal tussn 't riet, ma soms ok tussen de struukn of de bôomn. Nulder nest is als 't woare ne platform gemakt op dood plantenmateriaal. De nestn zyn bykan ossan in 't woater gemakt.

Spierhoantjes zyn donker va kleur me ne rooin snoavel en ne schild op nulder voorhoofd. Den punt van den snavel is geel van kleur. In tegenstellink tot de meerkoetn en ze gin zwemvliespootn. Ze foerageren dan ok vele op den oever.

In ‘t grotste deel van Europa komn spierhoantjes heel ‘t joar deure voor, byvoorbeeld Nederland en België. In Europees Rusland zyn de beestn ollene in den zomer te zien. Juste in ‘t uterste noordn ku je ze noois zien.