Stêenstroate (gehucht)
Stêenstroate is e gehucht in de provinsje West-Vloandern. 't Ligt ip de grenze van Bikschote (Langemark-Poelkapelle) en Zuudschote (Yper), woar dat de provinsjeboane N369 (boane Yper-Diksmuude) d' Yperlee kruust (voart van Yper noa 'n Yzer). Stêenstroate bestoat uut verschillige hoeves, e café-restaurang 'Steenstraete' en monumentn die verwyzn noa den Êeste Weireldoorloge.
Ip de Ferrariskoarte van de joarn 1770 stoan "Steenstraete" en de "Steenstraete Brugghe" al angeduud.
Beziensweirdigheedn[bewerkn | brontekst bewerken]
- Monument vo de Gebroeders Van Raemdonck
- Gedenkkruus vo de Fransche soldoatn en vo de gesneuveldn by den êestn anval mè gifgoaze binst den Twêede Slag vor Yper
Evenementn[bewerkn | brontekst bewerken]
- Begun juli: woaterfêestn ip 't woater by de brugge van Stêenstroate
- End ogustus: Yzerwoake
De Stêenstroate deur 't gehucht, zoud e dêel zyn van de Stêenstroate die al van in de Romeinschn tyd Kassel met Eirdnburg verboend.