Stijn Streuvels

Van Wikipedia
Naar navigatie springen Naar zoeken springen
Plakkoate an zyn geboortehuus in Eule

Stijn Streuvels, dekname van Frank Lateur (Eule, 3 oktober 1871Yvegem, 15 ogustus 1969), wos e Vlamsche schryver. Z'n stiel is gekenmerkt deur 't naturalisme.

Z'n leven[bewerkn | bron bewerken]

Het Lysternest

Stijn Streuvels wos 't derde kind van Kamiel Lateur, e klêermoaker, en Marie-Louise Gezelle, e zuster van Guido Gezelle. Oat ie 'n jounge knecht wos, lêerde Stijn Streuvels de bakkersstiel. Ip z'n zestienste veruusde de familie noa Oavelgem om e bakkerië over te pakkn.

Streuvels blêef van 1887 toet 1905 ôofdzoakelik in Oavelgem, woa dat 'n bakte en schrêef. In 1899 kwam z'n êeste werk uut: Lenteleven, e bundel mè vertelliengen. In 1905 trouwde Stijn Streuvels mè Alida Staelens. 't Gezin gienk in Yvegem (Ingooigem, dêelgemêente van Anzegem) weunn in een uzetje ip nen euvel me 'n magnifiek uutzicht, da ze 't Lysternest noemdn. Van nu of dêe Streuvels ni anders mè of schryvn. Ieder joar kwam't er wel e boek uut van em. Streuvels is in Yvegem dôogegoan, op 15 ogustus 1969.

Bekendste werk[bewerkn | bron bewerken]

  • Lenteleven (1899) (mè de volgende vertelliengen: De witte zandweg - In den voorwinter - Kerstavond - Slenteren - Op den dool - Van ongroei - Lente - In de vlage - Een pijpe of geen pijpe - 's Zondags - Een ongeluk - Wit leven - Het einde)
  • De vlaschaard (1907) (verfilmd in 1983)
  • De teleurgang van de waterhoek (1927) (verfilmd oender de noame "Mira" in 1971)
  • Het leven en den dood in den ast (1944)

Literaire priezen[bewerkn | bron bewerken]

  • 1962: de Prys der Nederlandse Letteren, voe ol z'n werken.
  • 1906 & 1911: de vuufjoarlikse stoatsprys
  • 1935: de grôte Stoatsprys vô letterkunde.

Streuvels wos ôok doctor honoris causa an de universiteitn van Leuven, Münster en Pretoria.

Streuvelsroute[bewerkn | bron bewerken]

Plakkaat van de Streuvelsroute

De boane Streuvelsroute es noar em genoemd en lopt deur 't glooiende landschap tusschn de Leie en de Schelde en de streke roend Kortryk woadat 't vlas overtyd vrêe importent wos.

De route passeert an 't Vlasmuseum, zyn geboorteuus en 't Lysternest, ...

Externe koppelienge[bewerkn | bron bewerken]