Stroate van Messina

Van Wikipedia
Naar navigatie springen Naar zoeken springen
Liggienge van de Stroate van Messina
Zicht ip de Stroate van Messina vanip de Monte Dinnammare in Sicilië

De Stroate van Messina (Italioans: Stretto di Messina, Sicilioans: Strittu di Missina) es 'n zêestroate in Itoalië die 't eyland Sicilië scheedt van de regio Calabrië ip't Itoalisch Schiereyland. De zêestroate makt de verbiendienge tusschn 't woater van de Tyrreensche Zêe in't nôord'n en da van d'Ionische Zêe in't zuud'n. De zêestroate es 32 kilomèiters lank en de brêedte ligt tusschn de drie en acht kilomèiters.

De Stroate van Messina es genoemd na de Sicilioansche hoavnstad Messina. Den belangrykstn stad an de kant van Calabrië es Reggio Calabria. De mêeste veerbôotn die de stroate oovrsteekn, voaren tusschn Messina en't nôordelyker geleegn Villa San Giovanni, in de plekke van noar Reggio. Da komt mè da de zêestroate ier smoller es en ôok mè da vele van't verkêer ip de ferry nie in Reggio zelve moe zyn, mor o d'ottostroade wilt deureryd'n noa 't nôord'n. In tydde ad'n ze nog gepeisd van en vrêe ôoge angbrugge te bouwn oovr hil de stroate, mor da plan èin ze moe'n ipzeggn omda 't te vele gienk kostn en der ôok moeilykeedn giengn zyn vo 't milieu.

In de Stroate van Messina zyn der oltemets vrêe straffe zêestroomiengn, wa 't nie olsan makkelyk makt vo der te voarn. In d'Oudeyd wierd er gezeyd da die strôomiengn verôorzoakt wierd'n deur twêe zêemounsters die ier zoatn: Scylla en Charybdis. Ounder 't woater liggn der ôok teffrente aktieve tectonische breukn wa somstekêe kunt lyd'n tout èirdbeeviengn en klêene tsunami's.

Wikimedia Commons