The John Lennon Rifle Club

Van Wikipedia
Naar navigatie springen Naar zoeken springen
Dit artikel es geschreevn in 't Brugs, en da zou best ozô bluuvn.

The John Lennon Rifle Club of TJLRC is en nêevnproject van de zanger van Red Zebra, Peter Slabbynck. 't Initiatief vor da nieuw groeptje startege in 2007 oan ze stilletjesan under eerste concertjes deedn.

Geschiedenisse[bewerkn | brontekst bewerken]

Ofbeeldienge:JLRC.jpg
't logo van TJLRC

Peter Slabbynck âd al lange 't idêe om mêe z'n muziek de wèreld te veroovern. Mêe Red Zebra wilde 't in 't begin nie azo goe lukn, met De Lama’s wast'ie der dichte bie, mor om de wèreld zeker te kunnen inpalmen êet m The John Lennon Rifle Club ût de groend gestampt. Slabbynck kreeg den ingevienk vo e nieuw groeptje toen dat 'm ip e festival e dêel punkbandjes ant werke zag. Ie sprak mêe de gastn van The Sid Vicious Circle en The David Lynch Party en krêeg ze ip 't ende van 2006 tegoare vo da nieuw project: The John Lennon Rifle Club.

't Meest excentrieke groepslid is oengetwiefeld Pretty Void oftewel de Zangeresse/gitariste Nathalie Van Laecke. Den eeuwigen rebel in Slabbynck wildege ook nu de wèreld nog e ki shoqueren. Den êersten single "I wanna be adopted by Madonna" dat 'm mêe z'n groep in moarte van 2007 uitbracht was dûdelik bedoeld as kritiek ip oender andere Madonna die gelik vele wèreldsterren tegenwoordig, e kiendje wildege adoptêern.

Neffest 't peure amuzement via zukke moatschappykritische songs is 't ôke de bedoelienk om achter verloop van tyd e volledig album ût te briengen. In 't noajoar zoet de full-cde 'Total Rip Off' worden ûtgebracht.

De muziek ip de cd goat ook e bitje e hommage zyn an de oede gloriën wor da Slabbynck mêe ipgroeide: Queen, Sweet, The Rubettes, The Sex Pistols, The Ramones, Blondie, The Dead Kennedy’s...

Bezettienge[bewerkn | brontekst bewerken]

Iptredens[bewerkn | brontekst bewerken]

Ploaten[bewerkn | brontekst bewerken]

  • 2007 (verwacht) - Total Rip Off

Externe koppeliengn[bewerkn | brontekst bewerken]