Thomas Buffel

Van Wikipedia
Dit artikel zou beter herschreevn zyn in 't Brugs.

Thomas Buffel in 2006

Thomas Buffel (Brugge, 19 februoari 1981) is e foetbolliest (mêestol speelt 'n aanvollnde middnvelder) die voen 't moment in Schotland speelt, byn Glasgow Rangers.

Jeugd[bewerkn | brontekst bewerken]

Thomas Buffel beguste te foetbolln by Ruddervôorde, mo ne veruusde ol zêre no de jeugd van Cercle Brugge. Zyn noenkel, Antoine Vanhove, wulde dat 'n no Club gienk, mo de Buffels zyn echte Cerclefanoatn en dus gienk 'n no Cercle. Vanhove et toene oek ezeid da Buffel nôois voen Club gienke speeln.

At 'n zeevntiene is, komt Feyenôord nem oaln en by 'n dien ploeg kut 'n nem hêlegans ountplôoin, êest byn de jeugd, loater oek in 'n êestn ploeg.

Professioneel[bewerkn | brontekst bewerken]

Buffel speelt zyn êeste twêe profjoarn byn Excelsior Rotterdam, de satellietclub van Feyenôord, in de Ollaansche êeste divisie (twidde klasse). En is doa twi keirs verkoozn toet bestn speler van de competiesche.

Achter die twêe joar (in 2002), meugt 'n Jon Dahl Tomasson, die veruust nor AC Milaan, vervangn in 'n êestn ploeg van Feyenôord. E doet dadde indeliks goed en ne makt in zyn êeste joar rechtet 18 gols. Oek ze twidde joar is goed, me vêertien gols. In ze derde joar moet 'n wel vele up de bank zittn (oundermêer deur dat 'n spil krygt me Ruud Gullit, 'n trainer) en achter da joar veruust 'n no de Glasgow Rangers.

Doa speelt 'n oek nie ossan, oek omdat 'n vele eblesseerd ewist is. In februoari 2007 is 'n opereerd an olletwêe ze kniejn en et 'n moetn revalideern toet in oktober van da joar. In 't begun van 2007 wos 'n bikan weg no 'n Duutschn club Hannover, mor uutendelik is 'n ogliek byn de Rangers ebleevn.

Rôo Duvel[bewerkn | brontekst bewerken]

Buffel et ol 29 keirs voen België espeeld en doarin et 'n 6 gols emakt. Zyn êestn interland wos in oktober 2002 teegn Andorra, deur België ewonn met 1-0.

Privé[bewerkn | brontekst bewerken]

Buffel is ol zes joar tope me Stephanie De Buysser uut Beirnem, die in Schotland modellewerk doet.