Transbajkal

Van Wikipedia
Ga naar: Begunplekkn, zoeken
Dat artikel es oorsprounkelik geschreevn in 't Noordelik West-Vlams.

Zicht ip Transbajkal roend de stad Chita.
Daoerje ip e Britsche koarte uut 1851
Angezien dat de koarte uutgegeevn was 7 joar vôo 't Verdrag van Aigun, was 't ôostlik gedêelte (Amoer-Daoerje) nog getoogd lik e dêel van 't Qing-Keizrryk.

Transbajkal (Russiesch : Забайка́лье - Zabaykalye, of Daoerje (Russiesch : Даурия - Dauriya) is e bergachtige streeke ten ôostn van of "oovre" (trans-) 't Bajkal-Mêer in Rusland.

Wôord-ôorsproenk en geschiednisse[bewerkn | brontekst bewerken]

De synonieme Daoerje is ofgeleid van noame van de Daoern, e volk dat doa leefde. De streeke strekt êm uut oovre bykans 1 000 kielomeetrs van 't nôordn no 't zuudn van de Patomskoje-Oogvlakte toe an de stoatsgrenze van Rusland. De streeke lopt oovre mêer of 1 000 kielomeetrs van 't westn no 't ôostn van 't Bajkal-Mêer toe an de meeriediejoan van 't punt woa da de Shilka-Rieviere en d' Argun-Rieviere tegoare kommn.

In de tyd van de Tsoarn, was Daoerje 'n oblast (provinsje) mê vor oofplatse êest Nerchinsk, en loatre Chita, en 't wierd e dêel van de kortstoendige "Rippebliek van 't Verre Ôostn" tusschn 1920 en 1922. Teegnwôordig is 't verdêeld tusschn Boerjoasje en Zabaykalsky Krai en vormt 't bykans hêel 't groendgebied van die twêe federoale stoatn van Rusland.

Bêestn- en plantn-weirld[bewerkn | brontekst bewerken]

De streeke êt eur noame gegeevn an verschillnde bêestn-sôortn woaroendre Daoerieschn eegle (Mesechinus dauuricus), en de vôgnde veugls : Daoeriesche vliegevangr (Muscicapa dauurica), Daouriesche kowe (Corvus dauuricus), Daoeriesche patryze (Perdix dauurica), Daoeriesche rôodsteirt (Phoenicurus auroreus), Daoeriesche sprêewe (Agropsar sturninus), rôodstuutzwoaluuwe (Cecropis daurica. De Mongoolieshe wildn eezle (Equus hemionus hemionus) is in hêel de streeke uutgestorvn.

De gebruuklikke noame van de befoamde Daoeriesche lorke (Larix gmelinii) zowêl lik van de Daoeriesche vuulboom (Rhamnus davurica) zyn ook gepit uut dezeifste bronne.

Eirdrykskunde[bewerkn | brontekst bewerken]

't Dorp Oktyabrsky (Октябрьский) village (Amoer Oblast), dichte by de grenze Rusland-China, e grôot gebied van uranium-mynbow en verwerkienge [1].

E dêel van 't gebied is beschermd deur 't Daoeriesch Nateur-rizervoat [2].

Zied ook noa[bewerkn | brontekst bewerken]

Eksterne koppliengn[bewerkn | brontekst bewerken]

Wikimedia Commons Mêer ofbeeldiengn die ier by passn ku je vien ip Transbaikal ip Wikimedia Commons.
  1. (en) Shandala N, Filonova A, Titov A, Isaev D, Seregin V, Semenova V, and Metlyaev EG (2009), Radiation situation nearby the uranium mining facility, Environmental section poster P.9, 54th Annual Meeting of the Health Physics Society, 12-16 July 2009, Minneapolis, MN, USA.
  2. (en) 2015 : The exhibition "Iris Russia" (flower-iris.ru)