Transbajkal

Dat artikel es geschreevn in 't Noordelik West-Vlams.

---

Zicht ip Transbajkal roend de stad Chita.

Daoerje ip e Britsche koarte uut 1851
Angezien dat de koarte uutgegeevn was 7 joar vôo 't Verdrag van Aigun, was 't ôostlik gedêelte (Amoer-Daoerje) nog getoogd lik e dêel van 't Qing-Keizrryk.

Transbajkal (Russiesch : Забайка́лье - Zabaykalye, of Daoerje (Russiesch : Даурия - Dauriya) is e bergachtige streeke ten ôostn van of "oovre" (trans-) 't Bajkal-Mêer in Rusland.

Wôord-ôorsproenk en geschiednisse

De synonieme Daoerje is ofgeleid van noame van de Daoern, e volk dat doa leefde. De streeke strekt êm uut oovre bykans 1 000 kielomeetrs van 't nôordn no 't zuudn van de Patomskoje-Oogvlakte toe an de stoatsgrenze van Rusland. De streeke lopt oovre mêer of 1 000 kielomeetrs van 't westn no 't ôostn van 't Bajkal-Mêer toe an de meeriediejoan van 't punt woa da de Shilka-Rieviere en d' Argun-Rieviere tegoare kommn.

In de tyd van de Tsoarn, was Daoerje 'n oblast (provinsje) mê vor oofplatse êest Nerchinsk, en loatre Chita, en 't wierd e dêel van de kortstoendige "Rippebliek van 't Verre Ôostn" tusschn 1920 en 1922. Teegnwôordig is 't verdêeld tusschn Boerjoasje en Zabaykalsky Krai en vormt 't bykans hêel 't groendgebied van die twêe federoale stoatn van Rusland.

Bêestn- en plantn-weirld

De streeke êt eur noame gegeevn an verschillnde bêestn-sôortn woaroendre Daoerieschn eegle (Mesechinus dauuricus), en de vôgnde veugls : Daoeriesche vliegevangr (Muscicapa dauurica), Daouriesche kowe (Corvus dauuricus), Daoeriesche patryze (Perdix dauurica), Daoeriesche rôodsteirt (Phoenicurus auroreus), Daoeriesche sprêewe (Agropsar sturninus), rôodstuutzwoaluuwe (Cecropis daurica. De Mongoolieshe wildn eezle (Equus hemionus hemionus) is in hêel de streeke uutgestorvn.

De gebruuklikke noame van de befoamde Daoeriesche lorke (Larix gmelinii) zowêl lik van de Daoeriesche vuulboom (Rhamnus davurica) zyn ook gepit uut dezeifste bronne.

Eirdrykskunde

't Dorp Oktyabrsky (Октябрьский) village (Amoer Oblast), dichte by de grenze Rusland-China, e grôot gebied van uranium-mynbow en verwerkienge.

E dêel van 't gebied is beschermd deur 't Daoeriesch Nateur-rizervoat.

Zied ook noa

• Koniefeere-busschn van Transbajkal
• Weirld Nateur-Stichtienge

Eksterne koppliengn

• (en) Dauria (WWF).

Referensjes

Referenties:

Ofbeeldiengn die ier by passn ku je vien in de categorie Transbaikal van Wikimedia Commons.