Turkeye (Sluus)
Turkeye is e gehucht in de gemêente Sluus, in d' Ollandsche provincie Zêeland. D'r zyn 15 inweuners (2022). 't Grotste dêel van d'uuzn in 't dorp zyn wel vakantieverbluuvn.
Turkeye was van 1796 toet 1970 e dêel van de gemêente Waterlandkerkje. Die gemêente kwam in 1970 by Ôostburg, dat in 2003 were ipgieng in de gemêente Sluus.
Geschiedenisse
[bewerkn | brontekst bewerken]By d'overgoave van Sluus in 1604, (Tachtigjoarign Oorloge), kwoamn d'r 1500, surtout Turksche galeisloavn vry. In da joar krêeg Turkeye z'n noame van Maurits van Oranje. Je wilde azo de Turksche zêemann bedankn vor under steun an de Nederlandn in de stryd teegn de Spanjoardn. Die Turkn zyn e poar joar loater ip Ollandsche scheepn noar Algereye, ton e provincie van 't Ottomoans Ryk, verscheept.
Liever Turks dan Paaps (eigentlik: Liever Turckx als paeusch) is een uutsproake en strydleuze ten tyde van de Tachtigjoarign Oorloge. In 't begun wierd de stryd tegen de Spanjoardn gesteund deur de katholiekn en de protestantn in de Nederlandn moar achter een ende krêeg de stryd sterke anti-katholieke trekkn. Vo de strydlust an te wakkern ountstound azo de leuze 'Liever Turks dan Paaps' ounder de Geuzn.