Naar inhoud springen

Veere (stad)

Van Wikipedia
Holland Veere

Veere in de gemêente Veere
Provinsje Zêeland
Gemêente Veere
Coördinoatn 51°32′NB 3°39′OL
Ippervlak km²
Inweuners 1642 (2023)

Liggienge van de gemêente Veere in Zêeland

Veere (Somstekêe ôok Ter Veere genoemd in't Zêeuws) es 'n stee in Zêeland ip 't vroeger eyland Walchern, die nu dêel uutmakt van de gelyknoamige gemêente Veere. Der weunn oungeveer 1.600 menschn (2023).

Veere ligt o de nôodôostkantn van Middelburg an't Veerse Meer. O den ôostkant van't center lôopt 't Kanoal deur Walchern. Oloewel da de gemêente Veere genoemd es na't stadje, es't eigntlyk nie d'hôofdplekke van de gemêente; 't Staduus van de gemêente stoat in Domburg.

By Veere ligt ôok nog de plekke Zanddyk, die pertank eigntlyk gin weungebied ip zyn eign es mor ne randwyk van Veere, en de villawyk Buut'n de Veste.

Noame[bewerkn | brontekst bewerken]

Veere noemdigde ôorsprounkelyk Kampvere; 't wos de plekke woar da 't veer vertrok van Walchern noa Nôord-Beveland. 't Veer voardigde noar 't in 1530 verdrounkn dorpke Kampn, en derachter nor Kamperland. De Kampveerse Torre erinnert deur zyn noame nog an d'ôorsproung van Veere. D'ofsluutienge van't Veerse Gat in 1961 eit 't veer ôoverboodig gemakt, en wos ôok derekt 't ende van Veere lyk zêehoavn.

Geschiedenisse[bewerkn | brontekst bewerken]

(nog an te vulln)

Beziensweirdigeedn[bewerkn | brontekst bewerken]

Veere es êen van de zeevntiene beschermde stads- en dorpsgezichtn in Zêeland. De ryke geschiedenisse van Veere es goe te ziene an teffrente monuumentn die der zyn in't klêene stadje:

  • De Grôote Kerke stamt uut 1348. Vanof 1811 wierd de kerke deur soldoatn van Napoleong gebruukt lyk e militaire klinikke. De kerke es ôok nog e tydde e klôosjoarsuus en kazerne gewist.
  • 't Staduus van Veere uut de vuuftiende êeuwe me e vrêe schôone veurgeevel; de torre me beioard es van't ende van de zestiende êeuwe. D'n beioard es verkoozn gewist lyk êen van de schôonste van Olland. De roadzoale es ip d'êeste verdiepienge. Ier angt ounder and're den stambôom van't huus van Oranje‑Nassau, eschilderd in 1936 deur jonkhêere A.W. den Beer Poortugael.
  • De Schotse Huuzn an de Koai, in de zestiende êeuwe gebouwd deur ryke Schotse commersantn. De twêe uuzn me de noamn Het Lammeken en In den Struys zyn tsedert 1950 oumgevormd tout Museum De Schotse Huizen.
  • De Kampveerse Torre, gebouwd lyk 'n dêel van de stadsverdeedigienge round 't joar 1500. Vanof de zestiende êeuwe wos de torre e staminée en e viertorre. Nu es't nog olsan êen van d'oudste nog bestoande herbergn van Olland.
  • De meuln "De Koe".

Externe koppeliengn[bewerkn | brontekst bewerken]


Wikimedia Commons