Viersalamander
| Viersalamander | |||||||||||||
|---|---|---|---|---|---|---|---|---|---|---|---|---|---|
 De viersalamander | |||||||||||||
| Taxonomische indêlienge | |||||||||||||
| |||||||||||||
| Sorte | |||||||||||||
| Salamandra salamandra Laurenti, 1768 |
De Viersalamander (Salamandra salamandra) es een bêestje van de familie van de salamanders.
Uutzicht
[bewerkn | brontekst bewerken]Vee minsn vindn de viersalamander de schôonste salamander dat er es. Ie es zwart blinknd va kleur, moar me schône gele plekkn en streepn. Ie eit nen korte, stompe steirt en an de boasis van zyn pôotn eit ie een gele plekke. Deur die kleurn weetn aar bêestn lik egels dan ze gin viersalamanders meugn eetn, z'hen klier bachtn nundern kop woamei dan ze vergif kunn wegsputn. Ze keunn tot 20 cm lank kommn en mêer dan 20 joar kommn in 't wilde, in gevangschap zoudn ze 50 joar oud kunn kommn.
Verspreidienge
[bewerkn | brontekst bewerken]De viersalamander komt nie vele mi vôorn in België, allêen in de Vlamsche Ardenn keun je em nog ip verschillnde plekkn vindn, juuste lik in d'Ardenn. Ie es vrêe difficile wa da zyn woater beteft: de plassn meugn nie te diepe zyn, der mag bykan niet in groein en de pH moet redelik neutroal zyn (tussn de 5.5 en 7.5). D'oundersôorte die in België vôornkomt, is de Salamandra salamandra terrestris.
Leevnswyze
[bewerkn | brontekst bewerken]Overdag goa je em nie vele teegnkomn, ie leeft vôorol 's nachts, o't koel es. De poarienge es vrêe typisch: het manneke tracht et vrouwke zoverre te krygn da't et nie mêe kan beweegn, ton kruupt ie der ounder en eft ze ip. Deur zyne steirt te beweegn probeert ie de cloaca te stimuleern. Lukt da, ton gift ie een spermatofoor of dat het vrouwke gewillig anneemt. De larvn groein van oktober tot april en zyn deur 't wuvetje leevnd in woater in oude beuke- en êkebusschn uuteduwd. 't Is ollêne an ze nog nie vulgroeid zyn dan viersalamanders in 't woater zittn, 't zyn d'ênigste echte landsalamanders van België.
Eetn
[bewerkn | brontekst bewerken]De viersalamander eet geirn insectelarvn, kobbn, duuzndpôotn, tettiengn en slekkn. O't ie larve es, eet ie andere woaterbêestn gelik vliege-, muggelarvn, haftn en ôok klêene kreeftachtigen.
Externe koppelienge
[bewerkn | brontekst bewerken]
|
Ofbeeldiengn die ier by passn ku je vien in de categorie Salamandra salamandra van Wikimedia Commons. |