Vis in de Leie

Dit artikel es geschreevn in 't Kortryks, en da zou best ozô bluuvn.

---

Vis in de Leie es e liedje van Johny Turbo en 't goat over de vervuulienge van de Leie en andere ecologische mistoestanden. Weemoedig peist ie were an den tyd dat er nog gin hormonenkoeien woarn en dat er nog vis in de Leie zat.

't Liedje es geschreevn in de joarn '80 en ton wos 't inderdoad tristig gesteld met de kwaliteit van 't milieu, mo sedert 't ende van de joarn '90 es 't were stillekes an an 't betern en zit er were vis in de Leie.

Volgens een grôotschalig onderzoek van 't Instituut voor Bosbouw en Wildbeheer zat er in 1996 ip 21 meetpuntn tussen Wervik en Gent gin vis in de Leie (behalve ip 2 meetpuntn by oude meanders). In 2004 werd er overolst vis gevonn met e gemiddelde van 7 verschillige sorten per meetplekke (19 sorten in totoal). Toch es de Leie anno 2007 nog êen van de mêest vervuulde riviern in België.

't Es e cover va de discogroep Boney M.

Den tekst

't Es 800 joar da stad Kortryk bestoat

Lang leve de stad!

Moar a 'k ik oldoar an de Broeltoorns stoa

ton peis ik da

refrein:

't zat vroeger vis in de Leie

mo 't zwem nu gin mi

ol da wil leevn da vlucht noa de zêe

't E lange geleen moar ik weet et nog goe

'k Ziet nog vo my

Een zwyn zonder peste, een hormoonvrye koe

'k Woare derby

refrein

Varia

Vis in de Leie is ook de noame van een kunstenfestival, georganiseerd deur e groep jounge gasten, genaamd Bakvis.

.