Vlams Instituut vô de Zêe

Van Wikipedia
Ga naar: Begunplekkn, zoeken

't Vlams Instituut vô de Zêe (VLIZ) is 't koördinoasje- en informoasjeplatform vô weetnschapplik zêe-oundrezoek in Vloandern. De Vlamsche Regeerienge richtte de instellienge ip in 1999 tegoare mê de provinsje West-Vloandern en 't Founs vô Weetnschapplik Oundrezoek.

Die oundrezoeksinstellienge êt eur tuus in Ostende en ze behêert 't Vlams Marien Data- en Informoasje Centrum (VMDC), 't Infoloket, de Zêebibliotheeke en 't oundrezoeksschip 'RV Simon Stevin' da' vanof juni 2012 de 'RV Zeeleeuw' vervangt.

't Bestier van ’t VLIZ bestoat uut ’n Algemêene Vergoadrienge, e Road van Bestier ( 14 leedn ) en e Weetnschapplikke Komiesje. De teegwôordige directeur êet Jan Mees.

D'instellienge givt e twêejoarliksche prys vor e persôon of vor e ploeg die 'n originêel en belangrik weetnschapplik oundrezoek uutvoert oovr'e e geneeskundige toepassienge van bepoalde diengn uut de zêe-omgeevienge.

't VLIZ eed 't Weireld Regiestre van Sôortn uut de Zêe ( iengels : World Register of Marine Species ) ountwikkeld en 'uusvestienge gegeevn, en ook 't Systèèm vô Zêenievoo Meetienge ( iengels : Sea Level Monitoring Facility ) van 't Woarneemiengs-systèèm van 't Weireld-Zêenievoo ( iengels : Global Sea Level Observing System ).

In novembre 2011 wierd 't VLIZ offiesjêel êrkend vô Weireld Gegeevns Centrum ( iengels : World Data Center ) deur de Intrenasjonaale Road vô de Weetnschap ( iengels : International Council for Science ) die in Parys zit.

Eksterne koppliengn'[bewerkn | brontekst bewerken]