Kroane-pling

Van Wikipedia
Naar navigatie springen Naar zoeken springen
Dat artikel es geschreevn in 't Noordelik West-Vlams.

Simon Bening zyn werk mê de grôote stadskroane in Brugge roend 1525

't Kroane-pling is e pling in Brugge. 't Kroane-pling lopt van de Vloamienkstroate lanst 'n êeste dêel van de Sint-Janstroate no 't Sint-Janspling.

Beschryvienge[bewerkn | brontekst bewerken]

Aa van vroegre of 1292 stoendr ip die plekke e kroane vo 't loan en lossn van scheepn. Die kroane is goe beschreevn gewist omda zowê Hans Memling lik Pieter Pourbus, mor ook e poar oenbekende mêestrs, 't vernuftige toestêl ip undre schildery deejn vôorkommn. Ook ip 't plang van de stad deur Marcus Gerards is de kroane ofgebeeld. E byzoendre schôone ofbeeldienge is dedie van Simon Bening, ip e miniateure die te vienn is in de Beiersche Stoatsbibliotheeke in München. Bening weunde in de Vloamienkstroate, ip e poar tientalln meetrs van 't pling mê de kroane.

't Dêel van de Reie da stadinwoarts liep van de Spiegelrei en de 'Niewjoarbrugge' no de Grôote Mart, wierd onvermydlik de Kroane-reie hêetn en ter ogte van 't Kroane-pling wierd e Kroane-brugge gebowd. In loatre êewn wierd de Kroane-reie oovrewêfd en wierd de stroate diedr oentstoend ook Kroane-reie genoamd.

Van êewn verre wierd 't plingsje Kroane-platse hêetn, tgêene nog oltyd in de vôksmoend gebruukt wordt. Vo toalzuuvroars kontênt te stelln wierd in 1972 'platse' in 'pling' veranderd.

E bitje voddr kykn[bewerkn | brontekst bewerken]

  • (fr) Duclos, Adolphe 1910 :Bruges, histoire et souvenirs, Brugge.
  • (nl) Schouteet, Albert 1977 : De straatnamen van Brugge. Oorsprong en betekenis, Brugge.
  • (nl) Wets, Thomas 2002 : Ondergrondse bruggen in de Brugse binnenstad, in : Brugs Ommeland, blz. 250-251.