Volloard
E volloard (Frans-Vlams: volaere of fol(l)ard) is e sôorte sukerbrôodje in de vorm van e vintje, da vanboovn versierd is met e patakong, e rounde decoroasje, die vroeger gemakt was van beschilderd ploaster of terracotta, moa nu van suker.
't Is e specialiteit van West-Vloandern en 't nôordn van Vrankryk. 't Wordt gegeevn an de joungns me Sinte-Moartn, Sint-Nikloai of me Kestdag. D'r wordt warme chocomelk by gedrounkn.
Ingrediëntn
[bewerkn | brontekst bewerken]Blomme, gist, melk, eiers, suker, zout, beuter en eventueel rozyns.
Variantn
[bewerkn | brontekst bewerken]E variant van de volloard is de cougnou uut de Woaln. Doa wordt de patakong dikwils vervangn deur e Jezuskiendje in suker. Noamvariantn: Coquille, Cougnolle, Cognolle, Quéniolle.