Walter van Terwoan

Van Wikipedia
Naar navigatie springen Naar zoeken springen
Dat artikel es oorsprounkelik geschreevn in 't Noordelik West-Vlams.

Walter van Terwoan (Walterus Taruanensis) (apeupri 1085 - 1132) was e Vlamsche illignleevns-beschryvr (hagiogroaf) en monnik van de abdy van Sint-Jansberg in Yper.

Leevnsbschryvienge[bewerkn | brontekst bewerken]

Walter was monnik van 't Sint-Moartensklôoster van Yper. In 1117 wierd y benoemd toe aortsdioakn van 't Bisdom Terwoan en beôorde y by de vertrowliengn van biskop Jan I van Woastn. In dediens zyn ipdracht en ook ip verzoek van de deekn Gozelin makte y e leevnsbeschryvienge van de in 1127 vermôorde groaf Koarl de Goejn, gevôgd deur 't reloas van de môord en de daaripvôgnde bestraffienge van de doaders. Y droeg dat ip an de biskop. Y a kort vôo dedien zyn oovrelydn Yper bezocht en doa met de Vlamsche Grôotn gesprookn. Roend 1127 êt y meuglik ook e reize no Rome gemakt. Achtre de dôod van Jan van Woastn stelde y ook dedien zyn leevn ip schrifte. Die vita is nie allêene de belangrykste bronne vo 't leevn en 't werk van die zoaligverkloarde biskop, ze bevat ook de vroegste beschryvienge van e mottekastêel in Woomn, ip de platse woada nu 't kastêel de Coninck de Merkem stoat [1]. Lik geschiedschryvre was y zorgvuldig, en schrêef y e simple en kloar Latyn mê uutdrukkiengn uut de rechtsproake. Deur zyn grôote presiesje van werken en beschryvn van zoakn en gebeurtnissn wordt zyn werk bekeekn lik e belangryke tydsbronne.

Werkn[bewerkn | brontekst bewerken]

  • Vita et passio Karoli comitis Flandrensis
  • Vita Johannis episcopi Taruanensis


Eksterne koppliengn[bewerkn | brontekst bewerken]

Verwyziengn[bewerkn | brontekst bewerken]

<references>

  1. (nl) Inventaris Onroerend Erfgoed