Weireldkampioenschappn velokoerse 1996

Van Wikipedia
Naar navigatie springen Naar zoeken springen

't Weireldkampioenschap koers 1996 wos organiseerd in Lugano (Zwitserland) van 'n 20sn tout 'n 25sn september 1996. De koers vo de elite by de mann wos 264 km lank. Winnoare was Johan Museeuw. Mauro Gianetti en Michele Bartoli woarn twiddn en derdn.

Koersverloop (elite)[bewerkn | brontekst bewerken]

't Parcours wos zwoar en surtout van passe voor e klemmer. Achter 120 km is 't er e grôotn groep ontsnapt. Museeuw is mei, t'ope met ounder anger 3 Zwitschers die nunder hêlegans geevn vor eigen publiek. Museeuw is vorzichtig mi zyn krachtn: iddern klem begunt an 'n kop en e lat nem in de beklemmieng uutzakkn tout an 'n steirt van 'n groep. In de vorlatste rounde demarreert Museeuw. Ollêne Mauro Gianetti ku nog mei. Uut 't peletong wos Andrea Tafi ontsnapt. Dat wos e ploegmoat (Mapei-GB) van Johan Museeuw, en doavan et 'n lêep gebruuk emakt. Gianetti kwam nerveus en e rêed à bloc op kop om te zorgn da Tafi ni koste noazen. In de latste rounde dei Museeuw lik of da 'n stêendôod zat. An 'n arrivée koste Museeuw, die nem maximaal espoard adde, makkelik winn van Gianetti die 't mêeste werk edoan adde. Museeuw won op zyn 31sn verjoardag.

Uutslag wegrit ventn (elite)[bewerkn | brontekst bewerken]

  1. Johan Museeuw Flag of Belgium.svg in 6u 23' 50"
  2. Mauro Gianetti Flag of Switzerland.svg op 1"
  3. Michele Bartoli Flag of Italy.svg op 29"
  4. Axel Merckx Flag of Belgium.svg z.t.
  5. Richard Virenque Flag of France.svg op 30"
  6. Andrea Tafi Flag of Italy.svg z.t.
  7. Laurent Jalabert Flag of France.svg op 1' 26"
  8. Davide Rebellin Flag of Italy.svg z.t.
  9. Tony Rominger Flag of Switzerland.svg z.t.
  10. Bjarne Riis Flag of Denmark.svg z.t.

Andere winnoars[bewerkn | brontekst bewerken]

  • Wegrit ventn (beloftn): Giuliano Figueras Flag of Italy.svg
  • Wegrit vrouwn: Barbara Heeb Flag of Switzerland.svg
  • Tydrit ventn (elite): Alex Zülle Flag of Switzerland.svg
  • Tydrit ventn (beloftn): Luca Sironi Flag of Italy.svg
  • Tydrit vrouwn: Jeannie Longo Flag of France.svg