Willem I van Normandië

Van Wikipedia
Willem Langzweird
ca. 907- 942
Hertog van Normandië
Periode927-942
VôorgangerRollo
IpvolgerRichard I
VoaderRollo
MoederPoppa van Bayeux

Willem I van Normandië of Willem Langzweird (Frans Guillaume Longue-Epée, Oudnoors Viljâlmr Langaspjôt) (ca. 907 – 17 december 942) was jarl (Vikingleider) van Normandië. Je was de zeune van Rollo en Poppa van Bayeux. Je volgde zyn voader ip in 927.

Ze noemn hem den twiddn hertog van Normandië, moa den titel dux (hertog) was doa nog nie in gebruuk in dien tyd, en is moa loater gegeevn.

Willem, Arnulf I van Vloandern, Herbert II van Vermandois en Hugo de Grôotn speeldn ip da moment e grôte rolle in ’t nôordn van West-Francië. Soms stoundn z’an de kant van de keunienk, moa d'r wierdn ook oorloogn gevoerd.

Willem trouwde in 932 mè Sprota van Bretagne. Hunder zeune was Richard I van Normandië. Zyn twidde vrouwe was Liutgarde van Vermandois, dochter van Herbert II van Vermandois.

Round 934 most Willem ‘n ipstand ounderdrukkn van de Vikings, geleid deur Rioulf (Herjólfr). Ze voundn dat ‘n te vele verfranst was.

In 939 geraktegt ie in oorloge teegn groaf Arnulf I van Vloandern.

Den 17stn december 942 wierd er e vergoarienge g’organiseerd vo te klappn over vrede. Ze kwoamn oungewoapnd tegoare in Picquigny ip ’n eilandje in de Somme. Moar achter dat iederêen weg was liet Arnulf Willem were roepn. Willem die niks ip haad kwam were en wierd vermôord.

J’is begroavn in de kathedroale van Rouen. Zyn zeune Richard I volgdeg hem ip.

De môord ip Willem Langzweird in ipdracht van Arnulf I van Vloandern (Grandes Chroniques de France deur Jean Fouquet, 1455-1460)
Gisant ip zyn graf in de kathedroale van Rouen