Zêe van Marmara

Van Wikipedia
Naar navigatie springen Naar zoeken springen
Liggienge van de Zêe van Marmara

De Zêe van Marmara (Turks: Marmara Denizi, Grieks: Θάλασσα του Μαρμαρά) es e binn'nzêe geleegn tusschn Europa en Klêen-Azië, die dêel uutmakt van de verbindienge tusschn de Zwortn Zêe en de Middellandsche Zêe. In't nôordn vormt de Bosporus de verbindienge mè de Zwortn Zêe en in't zuudwesten vormt de Hellespont (ofte de Dardanelln) dedie mè d'Egeïsche Zêe.

De Zêe van Marmara ligt teegnwôordig hillegansn ip't groundgebied van Turkeye. De belangrykstn stad die an die zêe ligt es Istanboel, o de nôordkantn by den ingank van den Bosporus. De zêe eit 'n ippervlakte van 11.500 vierkante kilomèiters en es ip oar diepst 1261 mèiters diepe.

In d'oudeyd wierd de zêe Propontis enoemd. Oar uudige noame komt van't eyland Marmara, wa ton were zyn noame eit gekreegn van't feit dad iere marmer wierd gewounn'n (mármaron in't Grieks).

Wikimedia Commons