Filips V van Spanje

Van Wikipedia
Filips V van Spanje
1683 - 1746
Hertog van Anjou
Periode1683 - 1700
VôorgangerLouis François van Anjou
IpvolgerLodewyk (loater Lodewyk XV)
Soeverein van de
Spoansche Nederlandn,
Napels, Milaan, Sardinië
Periode1700 - 1713
VôorgangerKarel II van Spanje
IpvolgerKarel VI van et HRR
Keunienk van Sicilië
Periode1700 - 1713
VôorgangerKarel II van Spanje
IpvolgerVictor Amadeus II van Savoye
Keunienk van Spanje
Periode1. 1700 - 1724
2. 1724 - 1746
Vôorganger1. Karel II
2. Lodewyk I van Spanje
Ipvolger1. Lodewyk I van Spanje
2. Ferdinand VI van Spanje
VoaderLodewyk, le Grand Dauphin
MoederMaria Anna van Beiern

Filips V van Spanje of Filips van Anjou (Kastêel van Versailles, 19 december 1683Madrid, 9 juli 1746), was de twidde zeune van Lodewyk, le Grand Dauphin en e klêenzeune van Lodewyk XIV. Je was hertog van Anjou van zyn geboorte, en keunienk van Spanje van 1700 toet an zyn dôod.

Ip 14 januoari 1724 dêed ‘n trôonsofstand vo zyn zeune Lodewyk I, die de pokkn krêeg en nog da zelste joar stierf. Filips kwam ton were ip de Spoansche trône, want zyn joengere zeune Ferdinand was nog nie oud genoeg. Je regeerdeg in totoal 45 joar en 21 doagn, ‘t langste in de Spoansche geschiedenisse. Je was den êeste keunienk van de Spoansche Bourbon dynastie.

De Spoansche Successieoorlog[bewerkn | brontekst bewerken]

Karel II van Spanje ha gin trôonipvolger. Je stierf in november 1700, mo kort vo zyn dôod haad ‘n Filips van Anjou angeduud ols ipvolger. D’Europeesche grôotmachtn woarn oengerust dan de keunienkrykn Spanje en Frankryk oender êen keunienk van ’t huus Bourbon zoun kommn, woadeure dan de machtsverhoudiengn in Europa styf zoun verstôord wordn.

In 1701 brak de stryd los.

By de Vrede van Utrecht in 1713 wierd Filips van Anjou erkend ols keunienk van Spanje, ip vôorwoarde dat ’n gin keunienk van Frankryk zou zyn. Je most Minorca en Gibraltar ofstoan an Iengeland.

De Zudelikke- of Spoansche Nederlandn giengn were no den Ôostnrykschn tak van ’t huus Habsburg oender keizer Karel VI, en woarn van ton d'Ôostnryksche Nederlandn. Karel VI krêeg ook Napels, Milaan en Sardinië. Sicilië en stikkn van Milaan giengn no Savoye.

Vrouwn en joenges[bewerkn | brontekst bewerken]

Filips trouwde in november 1701 in Figueras mè Marie-Louise Gabrielle van Savoye. Z’haan vier zeuns:

  • Lodewyk I van Spanje
  • Felipe (2 juli 1709 - 8 juli 1709)
  • Felipe-Pedro (7 juni 1712 - 29 december 1719)
  • Ferdinand VI van Spanje

J’hertrouwde in december 1714 in Guadalajara met Elisabetta Farnese van Parma. Z’haan zeevn joenges:

  • Karel III van Spanje
  • Francisco
  • Marianne Victoria van Bourbon
  • Filips van Parma, Hertog van Parma, trouwde mè Louise-Elisabeth van Frankryk, dochter van Lodewyk XV
  • Maria-Theresia van Spanje (1726-1746)
  • Lodewyk Anton, aartsbisschop van Toledo
  • Maria Antonia van Bourbon
Familieportret van Filips V deur Louis Michel van Loo (1743)
Wikimedia Commons