Kokerulle
Kokerulle is de noame van e revolte in 1280 in de Vlamsche stad Yper.
Der wos e gewoapend conflict tusschn de patriciërs en de gildn van d'ambachtn, die te moakn an met de textielindustrie. D'ambachtn kwoamn in upstand omda ze verdrukt en benoadeeld woarn deur 't commerce- en industriebeleid van de stad. De bevolkienge steunde d'ambachtn in de stryd. Hele bendes trokkn deur de stad binst da ze kokerulle riepn, e soorte van oorlogskreet. Der wos zest versterkienge vanuut Poperienge.
Oek in aar Vlamsche steedn woarn der in dien tyd volksupstandn die voe beroerienge zorgdn, lik in Doornik, Sint-Omaars, Brugge en Gent.
De groaf van Vloandern Gwyde van Dampierre besliste doarup van de macht en de groeiende autonomie van de steedn te beperkn.