Konrad I van Oost-Francië

Van Wikipedia
Konrad I
ca. 881 - 918
Konrad I, Spieghel Historiael (Jacob van Maerlant)
Keunienk van Ôost-Francië
Periode911-918
VôorgangerLodewyk et Kiend
IpvolgerHendrik de Veugeloare
Hertog van Franconië
Periode906-918
VôorgangerKonrad den Oudern
IpvolgerEberhard III
VoaderKonrad van Fritzlar
MoederGlismut van Karinthië

Konrad I, de Joungern genoemd, (ca. 881 - Weilburg, 23 december 918) was van 906 hertog van Frankn (of Franconië) en van 911 tout 918 keunienk van Ôost-Francië, et loatere Duutsland.

Je was de verkoozn ipvolger van Lodewyk et Kiend, de latste Karoliengsche keunienk van Ôost-Francië, en j'is den ênigste keunienk van 't Huus van de Konradyners gewist. ‘t Keunienkryk evolueerde loater ounder ’t Saksisch Huus van de Liudolfiengers (loater et Ottoons Huus genoemd) noar et Hillig Rôoms Ryk.

In Lotharingen wierd Konrad nie erkend ols ipvolger van Lodewyk et Kiend. Reginar I, van 't Huus Reginar of de Reiniers, was ton hertog van Lotharingen. De Reginars hen lange gevochtn teegn de Konradyners vo de macht in Lotharingen. Ounder zyn leiderschap koozn ze de Karolienger Karel de Simpeln van West-Francië ols keunienk van Lotharingen in de plekke van Konrad.

Konrad was e zeune van Konrad den Oudern van Fritzlar en van Glismut, e dochter van Arnulf van Karinthië.

Je trouwde in 913 me Cunigonde van Zwaabn. Z’haan twi jounges: Cunigunde en Herman.

Hêel de periode dat ie keunienk was het ie standvastig moetn vechtn teegn de groeiende macht van d’hertoogn van de stamhertogdomn Saksn, Beiern en Zwaabn, en j'het et uutendelik nie kunn hoaln.

Je besefte da den hertog van Saksn den ênigstn was die capabel was vo ‘t keunienkryk tegoare t‘houdn en ip zyn sterfbedde kost ie zyn broere Eberhard overhoaln vo de krône over te droagn an Hendrik de Veugeloare, den hertog van Saksn, die hem ipvolgde in Oost-Francië. Zyn broere volgdeg' hem ip ols hertog Eberhard III van Franconië.

Wikimedia Commons