Leie (departement)
Van Wikipedia
't Departement Leie of Lys was e Frans departement, da gevormd is in 1795 by d' annexoasje van de Zudelikke Nederlandn by Frankryk. 't Is genoemd noa de riviere de Leie. Vodien was 't een dêel van 't Groafschap Vloandern.
D'n hoofdstad van 't departement was Brugge. 't Was ingedêeld in arroundissementn en kantongs:
- Arroundissement Brugge: kantongs Ardôoie, Brugge, Gistel, Ostende, Ruislee, Tielt en Tourhout
- Arroundissement Kortryk: kantongs Oavelgem, Oarelbeke, Ingelmunster, Kortryk, Mêende, Mullebeke, Môoslee (Wevelgem), Rôzebeke en Roeseloare
- Arroundissement Veurn: kantongs Diksmude, Oarienge (Poperinge), Nieuwpoort en Veurn
- Arroundissement Yper: kantongs Elverdinge, Ooglee, Mêesn, Passchendoale, Poperinge, Wervik en Yper.
Achter de val van Napoleong by Woaterloo hen de g’allieerdn in 1815, binst 't Congres van Wenen, beslist da Frankryk 't gebied most ofstoan en 't departement Leie is de provinsje West-Vloandern gekommn in 't Verenigd Keuninkryk der Nederlandn.
