Veurn

Dit artikel es geschreevn in 't Veurns, en da zou best ozô bluuvn.

---

Stad Veurn
Veurne
Liggienge binn 't arroundissement Veurn in de provinsje West-Vloandern
Woapen	Vlagge
Geografie
Gewest	Vloandern
Provincie	West-Vloandern
Arroundissement	Veurn
Liggienge	51°04' NB 02°39' OL
Liggienge	{{{latitudeGraden}}}°{{{latitudeMinuten}}}′NB {{{longitudeGraden}}}°{{{longitudeMinuten}}}′OL
Ippervlak	96,34 km²
Inweuners (Bron: NIS)
Inweuners – Vintn – Vrouwn – Bevolkiengsdichtheid	11.843 (01/01/2006) 48,42% 51,58% 123 inw./km²
Leeftydsipbouw 0–17 joar 18–64 joar 65 joar en ouder	(01/01/2004) 21,56% 59,28% 19,16%
Buutnlanders	1,37% (01/07/2005)
Weirklôoseidsgroad	6,51% (01/01/2006)
Polletiek
Burgemêester	Jan Verfaillie (CD&V)
Coaliesje	CD&V & VLD
Zetels CD&V VLD Veurne Plus	21 12 5 4
Dêelgemêentn me postcode
Postcode	Dêelgemêente
8630 8630 8630 8630 8630 8630 8630 8630 8630 8630 8630	Veurn Oavekapelle Bôoitsouke Bulskamp De Moeren Eggewoartskapelle Outem Stêenkerke Vienkem Wulveriengem Zoetenoaie
And're info
Zonenummer	058
Poliesjezone	{{{polz}}}
Webadres	www.veurne.be

Veurn is e stad en gemeente in 't nôordwestn va West-Vloandern. Der weunn doa bekans 12.000 menschn.

Veurn is surtout bekend va de Boeteprocessche, e processche die elke latste zundag va juli deur Veurn goat.

't Staduus op de Grote Markt

In Veurn en ze vier middelboare schooln, nog vele mêer loagere en kleuterschooln, e zieknuus, e "geweune" rechtbank (vrêdegerecht, rechtbank in eestn anleg, polisjerechtbank) en e rechtbank va koopandl.

De burgemêester noemt Jan Verfaillie en 'n is va de CD&V.

Bekende Veurnoars

• Karel Cogge: deen die in 'n êestn weireldôorloge hèèl de boerebuutn ounder woater gezet ed
• Paul Delvaux: kunstenoare
• Will Tura: zanger

Veurn in de litteratuur

In de zomer van 1906 kwam de bekende Duutsche dichter Rainer Maria Rilke e poar doagn op vakansche na Veurn, tope me ze wuuf en kiend. Ne zag ie de Boeteprocesje, en de kerremesse. Rilke wos serieus epakt van 't schôon marktpling en de kerke. 'n En et er ie loater driê gedichtn over emakt: Der Platz, Der Turm én Marionetten-Theater. In e gazette schrêefd 'n ook e lang essee: Furnes.

Dorptjes

De gemeejnte Veurn bestoat uut èèf dêelgemêentn. Veurn zève is de grotstn en et de meejste iweuners. D'andre deelgemeenten zyn heel wa klindere polderdorptjes; noamelik Oavekapelle, Bôoitsouke, Bûuskamp, De Moern, Eggewoars, Outem, Stêenkerke, Vienkem, Wûverienkem en Zoetenaaie.

Vô 1971 woaren da ollemoale zeêfstandiege gemeejntn. De meejste dorptjes zyn toenne by Veurn gevoegd. Outem, da bleef wel nog een endjige een aparte gemeejnte, woa da De Moern een deelgemeejnte va werd en de tweeliengdorpn Vinkem en Wulverinkem werdn 'tope de nieuwe gemeente Bôovoowrdê. In 1977 werdn dat ôok ollemoale deelgemeejntn vâ Veurn.

#	Noame	Ippervlakte km²	Bevolkienge (10/04/2006)
I	Veurn	22,67	8.489
II	Bôoitsouke	3,35	98
III	Oavekapelle	4,58	370
IV	Zoetenoaie	2,07	17
V	Eggewoars	4,90	180
VI	Stêenkerke	11,79	446
VII	Bulskamp	8,03	692
VIII	Wûverienkem	9,37	351
IX	Vienkem	5,27	362
X	Outem	12,71	702
XI	De Moern	11,58	124

Bron: officiële website stad Veurn

Veurn grenst an deze parochies:

a. Oadinkerke (gemeente De Panne) b. Koksyde (gemeente Koksyde) c. Wûupn (gemeente Koksyde) d. Ramskapelle (stad Nieuwpôort) e. Pervyzje (stad Diksmude) f. Lamprnische (stad Diksmude) g. Oaverienkem (gemeente Oalveringem)

h. Oern (gemeente Oalveringem) i. Yzenberge (gemeente Oalveringem) j. Leisejle (gemeente Oalveringem) k. Oentschôwte (Vrankryk) l. De Moern (Frankriek) m. Gyvelde (Frankriek)

Koarte

Veurn, deelgemeentes en buurgemeenten. De gele gebiedn zyn bebouwde kernen.

Externe koppeliengn

• Officieeln site van Veurn
• Ni-Officieeln site voe den aktieven Veurnoare