Poaschn

Van Wikipedia
Ga naar: Begunplekkn, zoeken
Verryzenisse van Christus deur Dieric Bouts
Poaskeun met e poasei

Poaschn is één van de belangrykste christelikke fêestdoagn, die volgt ip de Goeie Weke. Ip dien dag viern christenen da Jezus verreezn is uut den dôod, ip den derdn dag achter dat 'n an 't kruus genoageld is ip goeie vrydag.

Poaschn deurt twêe doagn en wordt gevierd ip zundag en moandag (êeste en twidde Poaschn of poaszundag en poasmoandag).

Noame[bewerkn | brontekst bewerken]

't Woord Poaschn (Nederlands: Pasen, Frans: Pâques) is via 't Latyn gelêend uut 't Aramees pasha wa da oversloan wil zeggn. Da verwyst noa de tienste ploage van Egypte woaby dat de Joodsche huuzn overgesleegn wierdn. De Joodn viern den uuttocht uut Egypte met e fêeste da ze Pesach noemn. En omda 't in 't begun van de lente gevierd wordt is 't ook e lentefêeste. Den dôod en de verryzenisse van Jezus gebeurdegen binst de Pesach.

In 't Ingels en Duuts wordt Poaschn Easter en Ostern genoemd. Die benoaminge komt van ôostn, van woa dat de zunne ipkomt. De noame kan ook verwyzn noa de Angelsaksische godinne Eostre, die in april wordt anbeedn.

By e moderne poasfêeste zyn der buutn christelikke elementn ook elementn (poaseiers, poaskeun, poashoaze) die verwyzn nor e heidense lentefêeste.

Uutdrukkingn[bewerkn | brontekst bewerken]

  • 't Zyn fygn achter Poaschn: 't Is nie an tydn, 't is te loate.
  • Ip je poasbest zyn: ip je schonst geklid zyn.

Poasdoatum[bewerkn | brontekst bewerken]

Poaschn valt ip den êeste zundag achter vulle moane achter 't begun van de lente (21 moarte).


Wikimedia Commons