Ôost-Friesland

Van Wikipedia
Naar navigatie springen Naar zoeken springen
Dat artikel es oorsprounkelik geschreevn in 't Kustwestvlams.

Vlagge en woapnschild van Ôost-Friesland
Koarte van Ôost-Friesland met de belangrykste steedn

Ôost-Friesland (Duuts: Ostfriesland, Nedersaksisch: Oostfreesland) is e Duutsche streeke in 't uuterste nôordwestn van de dêelstoat Nedersaksn, in 't kustgebied die verboendn is met de Nôordzee. 't Grenst an de Waddnzêe in 't nôordn en an d' Hollandsche provinsje Groningen in 't westn. D' Ôost-Friesche Waddneilandn, Borkum, Juist, Norderney, Baltrum, Langeoog en Spiekeroog, moakn ook dêel uut van 't gebied.

Alhoewel dat Ôost-Friesland algemêen bekend is en g'accepteerd wordt ols historische, culturele regio, vormt 't gêen administratieve êenheid nie mè. 't Gebied bestoat nu uut de Landkreisn Aurich, Leer en Wittmund en de kreisfreie Stadt Emden. Aurich is d' historische hoofdstad van Ôost-Friesland en nu nog zetel van d' Ostfriesische Landschaft. Der zyn discuusjes goande over e meugelijyke soamnvoeginge toet één Landkreis Ostfriesland.

Ôost-Friesland èt een ippervlak van 3142 km² en e goeie 465.000 inweuners. 't Gebied is met 148 inweuners per km² relatief dinne bevolkt.

Streekn[bewerkn | brontekst bewerken]

Ôost-Friesland wordt historisch ingedêeld in neegn landstreekn:

  • Aurikerland
  • Broekmerland
  • Harlingerland
  • Krummhörn
  • Lengenerland
  • Moormerland
  • Norderland
  • Overledingerland
  • Reiderland

De belangrykste woaterloopn zyn de riviere de Eems, mè zyriviere de Leda. Emden è verreweg de grotste hoave van de regio en is ook 't vertrekpunt vor overzetbôotn noa 't eiland Borkum. Leer en Weener zyn historische hoavestadjes langst de Eems.

Toale[bewerkn | brontekst bewerken]

In 't begun wierd in Ôost-Friesland e variant gesprookn van 't Fries, moa dat is in de zeevntienste en achttienste êeuwe hêelegans verdroengn deur Nedersaksische dialectn van 't omliggnde gebied. De spreektoale in Ôost-Friesland is dus e Nedersaksisch dialect met invloed van 't Nederlands en 't Fries en doarom wykt 't styf of van de mêeste andere Nedersaksische dialectn.

Wikimedia Commons