Adelaide van Bourgondië

Van Wikipedia
Naar navigatie springen Naar zoeken springen
Adelaide van Bourgondië

Adelaide van Bourgondië (of Adelheid) (Orbe ca. 931 – Seltz 16 december 999), was ols vrouwe van Lotharius II keuniginne van Italië van 947 tout 950. Ols vrouwe van Otto I was ze keuniginne van Ôost-Francië en were van Italië van 951 tout 973. Van 962 tout 973 was z'ook keizerinne en ze besteurde 't Hillig Rôoms Ryk ols regente van heur minderjoarige klêenzeune, de loatere keizer Otto III, van 991 tout 995.

Adelaide wierd in 1097 hillig verkloard deur paus Urbanus II. 16 december is heur fêestdag.

Heur leevn[bewerkn | brontekst bewerken]

Adelaide is geboorn in Orbe in Ipper-Bourgondië (nu geleegn in Zwitserland). Ze was e dochter van keunienk Rudolf II van Bourgondië en Bertha van Zwaabn.

Achter 'n dôod van heur voader in 937, ertrouwdeg heur moeder met Hugo van Arles en verloofde Adelaide heur me zyn zeune Lotharius II van Italië. Die verloovienge was ol ofgesprookn gewist binst et vredesverdrag dat heur voader in 933 geslootn haad met Hugo.

Ze trouwdn in 947, mor heur vint wierd in 950 vergiftigd, verzekers in ipdracht van Berengar II, die peisde van nog mêer macht te kunn krygn ost ie Adelaide kost dwiengn van te trouwn me zyn zeune Adalbert. Omda ze weigerde wierd ze gevangn gezet in Como, mo ze kost vluchtn no Canossa in e bôotje. Van doa kost z'hulpe vroagn an Otto de Grôotn, de loatere keizer van 't Hillig Rôoms Ryk en ze kwam loater zyn twidde vrouwe. Ze trouwdn in 951 en ze wierdn ip 2 februoari 962 in Rome gekrôond tout keizer en keizerinne deur paus Johannes XII. Ze woarn d'ouders van de loatere keizer Otto II.

In 968 krêeg ze "Selz" van heur vint, e stik van 't stamhertogdom Zwaabn, nu geleegn in den Elzas. In 991 stichtte ze doar e Benedictyneklôoster. Acht joar loater is ze doa gestorvn.

Adelaide en Otto I in de kathedroale van Meissen in Duutsland

Heur jounges[bewerkn | brontekst bewerken]

Met heur êeste vint Lotharius II:

Met Otto I:

  • Hendrik (952-954)
  • Bruno (953-957)
  • Mathilde (954-999)
  • Otto II (955–983), loater keizer van 't Hillig Rôoms Ryk
Wikimedia Commons