Berengar II

Van Wikipedia
Naar navigatie springen Naar zoeken springen
Berengar II
ca. 900-966
Berengario ii.jpg
Corona ferrea.png
Keunienk van Italië
Periode950-961
VôorgangerLotharius II van Italië
IpvolgerOtto I
VoaderAdalbert van Ivrea
MoederGisela van Friuli

Berengar II van Italië of Berengar van Ivrea, telg van 't Huus Ivrea en van de Unruochiengers, (ca. 900-Bamberg, 6 ogustus 966), was keunienk van Italië van 950 tout an zyn ofzettienge in 961. J'is de vôorouder van de paltsgroavn van 't Vry Groafschap Bourgondië.

Je volgde zyn voader Adalbert ip round 923 als markgroaf van Ivrea. Zyn moeder Gisela was e dochter van Berengar van Friuli, achter wien dat ie genoemd is. Je volgde Lotharius II van Italië ip in 950 en je liet zyn zeune Adalbert ip 15 december 950 krôonn tout co-keunienk in de San Michele Maggiore in Pavia.

Berengar wilde Adalbert loatn trouwn me Lotharius zyn weeuwe Adelaide van Bourgondië, mo ze weigerde en ze wierd gevangn gezet in Como. Ze kost vluchtn no Canossa in e bôotje en van doa kost z'hulpe vroagn an Otto de Grôotn, de loatere keizer van 't Hillig Rôoms Ryk en ze kwam loater zyn twidde vrouwe. Otto veroverde Pavia ip 29 september 951 en Berengar en Adelbert mostn vluchtn nor e kastêel in San Marino.

Ip 7 ogustus 952 erkendegn ze Otto als under lêenhêre ip de ryksdag in Augsburg, mo Berengar blêef revolteern teegn hem. In 960 vielt ie de Pauselyke Stoat binn en 't joar derip wierd zyn keunienkryk veroverd deur Otto.

Otto liet hem ipsluutn in Bamberg en j'is doar in 966 gestorvn.

Vrouwe en jounges[bewerkn | brontekst bewerken]

Berengar II trouwde me Willa van Arles, dochter van Boso III, de broere van Hugo van Arles. Under jounges woarn:

  • Adelbert I van Ivrea. Zyn zeune Otto-Willem van Bourgondië was van 982 tout 1026 den êestn paltsgroaf van 't Huus Ivrea van 't Vrygroafschap Bourgondië, 't loatere Franche-Comté.
  • Guido van Ivrea
  • Konrad van Ivrea
  • Gerberga
  • Gisela
  • Rozala-Suzanna van Ivrea, getrouwd me groaf Arnulf II van Vloandern
  • Bertha