Hugo van Arles

Hugo van Arles (ca. 882 - Arles, 10 april 947), van de dynastie van de Bosoniedn, was e zeune van Theobald van Arles en van Bertha. Zyn moeder was 'n ounwettige dochter van Lotharius II van Lotharingen.

Hugo was van 905 regent vo Lodewyk den Blendn in Vienne. Je verplatste den hoofdstad van Vienne noar Arles en in 928 kwamt ie keunienk van Lêger-Bourgondië (Provence). Van 926 wast ie ook keunienk van Italië.

In 926 was den Italioanschn oadel nie me content van under keunienk Rudolf II van Bourgondië, die were kêerde noar Ipper-Bourgondië vor hem te beschermn. Hugo liet hem krôonn tout keunienk van Italië, mo d'Italioann veranderdn van gedacht en ze wildn Rudolf were. Vo de ruuzjes te stoppn sloot Hugo in 933 e verdrag me Rudolf, woaby dan ze wisseldn: Hugo mocht keunienk van Italië bluuvn en Rudolf, die ol keunienk van Ipper-Bourgondië was, krêeg nu ook Hugo zyn Lêger-Bourgondië derby, woadeure dat ie keunienk van hêel Bourgondië kwam.

Hugo zyn zeune Lotharius II van Italië trouwde in 947 me Rudolf zyn dochter Adelaide van Bourgondië. Z'haan e dochter Emma van Italië, die trouwde me keunienk Lotharius van West-Francië.

Vrouwn en jounges

Hugo trouwde me:

1. Willa/Guilla van Provence, dochter van Boso van Provence, en weeuwe van Rudolf I van Bourgondië
2. Alda/Hilda
3. Marozia
4. Bertha van Zwaabn, weeuwe van Rudolf II van Bourgondië

Zyn twi êenigste wettige jounges woarn van zyn twidde vrouwe Alda of Hilda:

• Alda
• Lotharius, zyn ipvolger

J’haad ook nog jounges by verschillige maitressn.

Zyn vierde vrouwe Bertha van Zwaabn