Alemanni

Van Wikipedia

Centroal Europa in de 5e êeuwe

D' Alemanni ofte Alemann (ook Alamanni) woarn e verboend van Germoansche stamn an de Boovnreyn (Oberrhein), van de groep van de Sueevn. Under noame verwyst noar e verzoamelienge van volkern: 'al de mann'. In 260 veroverdn ze de Agri Decumates (e gebied van de Romeynsche provinsjes Germania Superior en Raetia) en ze breydegn under loater uut toet den Elzas en Nôord-Zwitserland van nu.

In 496 wierdn d' Alemanni veroverd deur de Frankische leyder Clovis die under gebied by zyn keunienkryk voegde. Achter 't Verdrag van Verdun kwam 't gebied by Ôost-Francië.

't Gebied beweund deur d' Alemanni komt ruwweg overêen met de streke woar dat er nu nog assan Alemannische dialectn gesprookn wordn, lyk Duuts Swaabn en Baden, de Franschn Elzas, Duutstoalig Zwitserland, Liechtenstein en Ôostnryks Vorarlberg.

De Fransche noame vo Duutsland, Allemagne, komt van under noame. Vanuut 't Frans is 't ook noar andere toaln gegoan lyk Alemania in 't Spoans, Alemanha in 't Portugees en Almanya in 't Turks.

Wikimedia Commons