Belangrykste hêernhuuzn van architect Victor Horta in Brussel
De belangrykste hêernhuuzn van architect Victor Horta zyn vier huuzn in de stad Brussel in België die ip de Weirelderfgoedlyste van UNESCO stoan sedert 2000. Ze zyn alle viere oentworpn deur de Belgischn architect Victor Horta (1861-1947), pionier van de Art Nouveau-styl in de joarn 1890.
Historie
[bewerkn | brontekst bewerken]Victor Horta is geboorn in Gent in 1861 en je weunde ênigte joarn in Parys vo dat 'n werekêerde noa België vor in 1880 te werkn ols architect. J' had direct succes en je werkte an verschillige prestigieuze gebouwn. Je krêeg ook e dêel officiële postn woaroender e posiesje by de Vrye Universiteit van Brussel. Vanof 1892 begost Horta te werkn in de nieuwe Art Nouveau-styl. In 1893 oentwierpt 'n 't Hotel Tassel, die anzien wordt ols 't êeste voorbeeld van Art Nouveau-architecteure. Je paste de zelfste styl toe ip vele andere gebouwn, lyk 't Hotel Solvay (gebouwd 1895-1900), Hotel van Eetvelde (1895-98) en zyn eign huus en atelier (1898). Architectn die g'inspireerd zyn deur de werkn van Horta in die periode zyn Antoni Gaudí en Hector Guimard.
Binst den Êeste Weireldoorloge vertrok Horta in balliengschap noa de Verênigde Stoatn. Ost 'n werekêerde noa België ist 'n van styl veranderd, van Art Nouveau noar Art Deco en modernisme. J' is gestorvn in 1947.
Lyste
[bewerkn | brontekst bewerken]Vier huuzn stoan ip de lyste van UNESCO.
| Noame | Ofbeeldienge | Liggienge (in Brussel) |
Beschryvienge |
|---|---|---|---|
| Hotel Tassel | 
|
Paul Emile Jansonstroate 6 | Gebouwd in ipdracht van Émile Tassel, geometrieprofessor an de Vrye Universiteit van Brussel en lyk Horta lid van de vrymetseloarsloge Les Amis philanthropes. |
| Hotel Solvay | 
|
Avenue Louise 224 | Gebouwd 1895-1900 |
| Hotel van Eetvelde | .jpg)
|
Avenue Palmerston 2-4 | Gebouwd 1895-98 |
| Huus & Atelier van Horta | 
|
Amerikoanschestroate 23-25 | Gebouwd tusschn 1898 en 1901. Nu is 't Hortamuseum doa gevestigd over 't leevn van den architect. |
|
Ofbeeldiengn die ier by passn ku je vien in de categorie Major town houses of the architect Victor Horta (Brussels) van Wikimedia Commons. |