Casimir IV Jagiellon

Van Wikipedia
Casimir IV Jagiellon
1427- 1492
Grôothertog van Litouwn
Periode1440-1492
VôorgangerSigismund Kęstutaitis
IpvolgerAlexander I Jagiellon
Keunienk van Pooln
Periode1447-1492
VôorgangerWładysław III van Pooln
IpvolgerJan I Olbracht
VoaderWładysław II Jagiełło
MoederSophia Holszanski.

Casimir IV Jagiellon (Kraków, Pooln 30 november 1427- Grodno, Wit-Rusland 7 juni 1492), van 't Huus Jagiello, was Grôothertog van Litouwn van 1440, en keunienk van Pooln van 1447 tout an zyn dôod.

Je was de derde en joungste zeune van Władysław II Jagiełło me zyn vierde vrouwe Sophia Holszanski.

Zyn broere Władysław III, die drie joar ouder was, sneuvelde in 1444 in de Slag by Varna teegn 't Ottomoans Turkeye. Casimir IV volgdeg hem ip in Pooln in 1447 achter e driejoarig interregnum.

Ounder Casimir IV versloeg Pooln de Teutoonsche Ridders binst de Dertienjoarign Oorloge. J'heroverde Pommeren, en je brocht Pruussn ounder Poolsche heerschappye. Je was êen van d'actiefste Poolsche heersers en 't Huus Jagiello kwam ounder hem êen van de belangrykste vorstnhuuzn in Europa.

Vrouwe en jounges[bewerkn | brontekst bewerken]

Casimir IV trouwde in 1454 met Elisabeth van Ôostnryk, dochter van de Rôoms-Duutsche keunienk Albrecht II van 't Huus Habsburg. Z’haan dertien jounges w.o.:

  • Vladislav II (1456-1516), keunienk van Hongareye en Boheemn
  • Jan I Olbracht (1459-1501), keunienk van Pooln
  • Alexander I Jagiellon (1461-1506), grôothertog van Litouwn en keunienk van Pooln
  • Sofia Jagiellon (1464-1512), getrouwd me markgroaf Frederik V van Brandenburg-Ansbach en moeder van Albert, den êestn hertog van Pruussn.
  • Sigismund I van Pooln (1467-1548), grôothertog van Litouwn en keunienk van Pooln (voader van Sigismund II August, die hem ipvolgde)

Casimir IV is gestorvn in 't oud fort in Grodno, Wit-Rusland. J’is begroavn in de Wawelkathedroale van Kraków.

Wikimedia Commons