Władysław II Jagiełło

Van Wikipedia
Naar navigatie springen Naar zoeken springen
Władysław II Jagiełło
1351/1362 – 1434
Władysław II Jagiełło. Detail van de triptiek in de Wawelkathedroale in Kraków (15e êeuwe)
Coat of arms of Lithuania.svg
Grôothertog van Litouwn
Periode1377-1381
VôorgangerAlgirdas
IpvolgerKęstutis
Coat of arms of Lithuania.svg
Grôothertog van Litouwn
Periode1382-1392
VôorgangerKęstutis
IpvolgerVytautas
Alex K Kingdom of Poland3.svg
Keunienk van Pooln
Periode1386-1434
VôorgangerHedwig van Anjou
IpvolgerWładysław III van Pooln
VoaderAlgirdas van Litouwn
MoederUliana Alekandrovna van Tver

Władysław II Jagiełło of Wladislaus, Vladislaus, Vladislav, Ladislaus, Ladislav, Ladislas en in 't Litouws Jogaila Algirdaitis (Vilnius, ca. 1351/1362-Gródek Jagielloński, nu Horodok, Oekraïne, 1 juni 1434), was de zeune van Algirdas van Litouwn en Uljana Alekandrovna van Tver.

Je was êest grôothertog van Litouwn en je regeerde doa van 1377 ounder de noame Jogaila. Je was ook 48 joar keunienk van Pooln van 1386. Je was de stamvoader van 't Huus Jagiello.

Je bekêerdeg' hem in 1386 tout et Christndom en je liet hem de 15ste februoari van da joar doopn in de Wawelkathedroale van Kraków als Władysław. Je trouwde met de elfjoarige keuniginne Hedwig van Anjou, dochter van Lodewyk de Grôotn, de keunienk van Hongareye en Pooln. Achter under huwelik wierd Władysław verkoozn tout keunienk van Pooln.

Oorloge tusschn de unie Pooln-Litouwn en de Teutoonsche ridders[bewerkn | brontekst bewerken]

Je leidde als keunienk van Pooln een alliãnsje van 't keunienkryk Pooln en 't Grôothertogdom Litouwn teegn de Duuts-Pruussische Teutoonsche ridders van de Duutsche orde. Je versloeg ze in 1410 binst de slag by Tannenberg, gevolgd deur de Êeste Vrede van Thorn in 1411, woadeure dat ie zyn ryk kost vergrôotn.

Zyn regerienge wordt anzien als 't begun van de Poolsche Goudn Êeuwe en 't fundament vo 't loater Pools-Litouws Gemêenebest.

Władysław was êen van de 24 ridders van d'Hongoarsche Orde van de Droake, die verplicht woarn van 't Christndom te verdeedign teegn d'Ottomoann.

Vrouwn en jounges[bewerkn | brontekst bewerken]

Je trouwde vier kêers:

  • In 1386 me keuniginne Hedwig van Anjou (êen dochter)
  • In 1402 met Anna van Cilli (êen dochter)
  • Me zyn derde vrouwe Elisabeth van Pilitza had ie gin jounges
  • In 1422 me Sophie Holszańska (drie zeuns)
    • Władysław III van Pooln (van 1434-1444 keunienk van Pooln, van 1440-1444 keunienk van Hongareye als Wladislaus I)
    • Casimir († als kiend)
    • Casimir IV Jagiellon (van 1440-1492 grôothertog van Litouwn en van 1447-1492 keunienk van Pooln)

Władysław is begroavn in de Wawelkathedroale van Kraków, woa da zyn loat-gotisch grafmonument stoat.

Pools en Litouws conflict me Teutonisch Pruussn (1377-1434)
Woapnschild van Władysław II Jagiełło als keunienk van Pooln
Wikimedia Commons