Casino (Blanknberge)

Van Wikipedia
Naar navigatie springen Naar zoeken springen
Casino Blanknberge ip de zêedyk
Casino an de kant van de stad

De Casino ip de zêedyk is 't cultureel centrum van Blanknberge. 't Casinogebouw dateert van 1934 en is in 1994-1995 hêlegans gerenoveerd.

De stad Blanknberge het drie baby's van David Černý (Beaufort 2006) angekocht die nu ip de Casino kruupn, één ip 't terras, den twiddn ip 't dek, en den derdn kruupt ip de torre noa boovn.

Achter 't gebouw zyn d’r danscafés en e discotheke.

't Cultuurcentrum van Blanknberge bestoat uut drie gebouwn: CC-Casino, CC-De Benne en CC-Oud-Stadhuus.

CC-Casino het vuuf polyvalente zoaln:

  • Saveryszoale: fêest-en theoaterzoale
  • Consciencezoale: polyvalente zoale die gebruukt wordt vo klindere iptreedns, tentôonstelliengn, films…
  • Roesschaert: polyvalente zoale vo vergoariengn en vôordrachtn
  • Zêebries: cursusplekke en danslokoal
  • Golfbreker: grôte plekke die surtout gebruukt wordt deur lokoale tonêelverênigiengn

Ip 't gelykvloers van de Casino is ter e kunstgalerye vo tentôonstelliengn. 't CC-Casino is 't ênigste erkend cultureel centrum van België met e vergunde speelzoale me populaire toafelspeeln lik Roulette, Blackjack, Casino Stud Poker en speelautomoatn. D’r is ook e bar en e restaurang.