Piero di Cosimo de' Medici

Van Wikipedia
Piero de' Medici
14161469
portret deur Agnolo Bronzino
Signore (hêre) van Firenze
(de facto)
Periode1464 - 1469
VôorgangerCosimo de' Medici
IpvolgerLorenzo + Giuliano
VoaderCosimo de' Medici
MoederContessina de' Bardi
Dynastie
Huus Medici

Piero de' Medici (Firenze, 1416 - Firenze, 3 december 1469), regeerdeg’ over Firenze binst d’Italioansche renaissance, van 1464 tout 1469.

Je was de zeune van Cosimo de' Medici en Contessina de' Bardi.

Piero was ziekelik. J’had ountstookn gewrichtn deur e reumaziekte, woadeure dat ’n de bynoame il Gottoso (AN: de jichtige) krêeg.

Doarom wierd zyn joungere broere Giovanni voorbereid vo Cosimo ip te volgn, mo je stierf ol e joar idder of zyn voader.

Piero trouwde den derdn juni 1444 me Lucretia Tornabuoni, de dochter van Francesco Tornabuoni en Selvaggia Alessandri.

Hunder jounges:

  • Maria, trouwde me Leonetto de' Rossi. Hunder zeune was kardinoal Luigi de' Rossi (te zien ip 't portret van paus Leo X deur Rafaël).
  • Bianca, trouwde me Guglielmo de' Pazzi
  • Lucrezia, trouwde me Bernardo Rucellai
  • Lorenzo il Magnifico, trouwde me Clarice Orsini
  • Giuliano, vermôord deur 't Pazzi-komplot
  • Giovanni, 'n ounwettige zeune

Piero stierf in 1469 van zyn reuma en e loungziekte en j’is begroavn in de Basilica San Lorenzo in Firenze.

Loater ist er e grafmonument gemakt vor hem en zyn broere Giovanni, deur Andrea Verrocchio.

Zyn zeuns Lorenzo en Giuliano volgdn hem ip.

Piero (lienks) en Giovanni (middn) deur Sandro Botticelli, detail van d’anbiddienge van de drie keuniengn (Adorazione dei Magi, Uffizi, Firenze)