De Goavers

Van Wikipedia
Naar navigatie springen Naar zoeken springen
't Meer in De Goavers.
De Goavers in den erfst.

De Goavers zyn nen kunstmoatign plas woater in Oarelbeke en an den bôord van Deirlyk woa dat'er vroegre en zone wos round de Goaverbeke die iedre wintre ounder woater stound. De permanente plas es ountstoan oan ze den E17 angeleid ein in de joarn '60 en doavôorn vier miljoen kubieke meiters ground nôdig oane voe de berms. En schoolvôorbeeld oe da ecologie en economie soms hêel goe kunn tôpegoan.

Uutzicht[bewerkn | brontekst bewerken]

De Goavers es 184ha grôot en eit de vorm van een ei, mè een aantal schiereilandjes in. 't Es et grôotste meer va West-Vloandern en es zowel een recreoatie- als een natuurgebied.

Recreoatie[bewerkn | brontekst bewerken]

De mêeste bezoekers van de Goavers koomn der voo te wandeln en te lôopn. Den omtrek van et meer es volledig begoanboar en der zyn ter ferente drankgeleegnheedn mè speelplingskes. Verder keun je der verschillige woatersportn doen, gelyk zwemmn, surfn, zeiln, vissn, peirdrien, fietsn, mountnbikn. Langs de zuudkant es t'er een Bloso-centrum.

Natuurgebied[bewerkn | brontekst bewerken]

In andre dêeln van't meer, in 't zuudn en't ôostn eit de natuur et voor et zeggn. Der zyn 2 natuurreservoatn mè ipservoatieuttn. Der bestoat een natuurverênigienge specioal voo de Goavers: de 'Natuurwerkgroep De Gavers'., die wandeliengn organiseert, behêer doet van de reservoatn en ipservoaties doet. In de Goavers zyn der ol 260 verschillige sôortn veugels gezien, en 24 verschillige sôortn libelln. Der broedn sôortn gelyk de fuut, de dodoars, de blauwn reiger, de kuufeende, de sperwer, de toornvalke, de bôomvalke, de woaterral, den ysveugel en d'appelvinke. Der groein ôok specioale moeras- en geslandplantn gelyk de rietorchis, de grôte keverorchis, den oarign roateloare, d'addertonge, de poelrutte, den bitterling en de parnassia. Qua zoogdiern volt vôorol de vos ip, moar der zittn ôok 7 sôortn vleermuuzn.

Externe koppeliengn[bewerkn | brontekst bewerken]