Districtn van Zwitserland

Van Wikipedia
Naar navigatie springen Jump to search
Districtn van Zwitserland (2013)

De kantongs van Zwitserland zyn mêestal ounderverdêeld in districtn (Bezirke).

In de federoale structeure van Zwitserland is ieder kantong hêlegans vry by d' interne organisoasje, zodat er ook zyn die gin besteurlyk niveau hèn tusschn gemêente en kantong.

In 't Duutstoalig gedêelte van Zwitserland wordt een district Bezirk, Amtsbezirk of Amt genoamd; in 't Franstoalig gedêelte: District en in 't Italioanstoalig gedêelte: Distretto.

Een district kan were ipgedêeld zyn in cirkels (Duuts: Kreise, Frans: cercle, Italioans: circolo) êer da 't lêgere besteursniveau gemêente wordt bereikt.

Tiene van de 26 kantongs zyn nie ounderverdêeld in districtn, zeevn zyn 't nôois gewist: Uri, Obwaldn, Nidwaldn, Glarus, Zug, Bazel en Genève. De kantongs Appenzell Ausserrhoden (in 1995), Schaffhausen (in 1999) en Sankt Gallen (in 2002) hèn ook gin ipdêlienge in districtn nie mè. Sankt Gallen hè ze vervangn deur Wahlkreise (kiesdistrictn) zounder administratieve functie.