Dordogne (riviere)

Van Wikipedia
Liggienge van de Dordogne-riviere
De Dordogne by Castelnaud-la-Chapelle in de Périgord
Dat artikel goat over de riviere de Dordogne. Vo 't Frans departement, kykt noa Dordogne (departement).

De Dordogne es 'n riviere in't zuudwestn van Vrankryk die vo 't grôotste gedêelte deur de regio Nouvelle-Aquitaine lôopt.

De Dordogne èit oar bronne in de gemêente Mont-Dore (in't departement Puy-de-Dôme in de regio Auvergne-Rhône-Alpes) ip de nôordflanke van de Puy de Sancy, die mè 1885 mèiters d'n ôogstn top van't Centroal Massief es. Achter 483 kilomèiters komt ze tôope mè de Garonne by de plekke Ambès (juust o de nôordkantn van Bordeaux) en vormt ezo 't estuoarium van de Gironde. Uutendelyk moundt dedie uut in d'Atlantische Oceoane (mêer bepoald de Golf van Biskaje).

De Dordogne strôomt deur de Fransche departementn Puy-de-Dôme, Cantal, Corrèze, Lot, Dordogne en Gironde. Gekende steed'n die an de riviere liggn zyn Souillac, Bergerac en Libourne.

De belangrykste zyrivier'n van de Dordogne zyn d'Isle (255 km), de Vézère (211 km), de Cère (120 km) en de Maronne (92 km).

Wikimedia Commons