Gouden Boomstoet

Van Wikipedia
Naar navigatie springen Naar zoeken springen
De droake van Constantinopel

De Praalstoet van de Gouden Boom gienk vo den êeste ki uut in 1958 en wierd ter gelegenheid van Brugge 2002, Culturele Hôofdstad van Europa vernieuwd. De stoet is e realisoatie van 't Stad Brugge en 't Comité voor Initiatief.

't Centroal thema van de stoet is de “Wapenpas van de Gouden Boom” die in 1468 up de Brugse Mart ghoudn wierd vo den trouw van Karel den Stoutn, graaf van Vloandern en hertog van Bourgondië, me d' Ingelse prinsesse Margaretha van York. 't Hôogtepunt wos 'n grôot tornôoi up de Mart, 'de Wapenpas' van de Gouden Boom. Ridders moestn under courage tônen deur under ne 'pas' te verdedigen. Den inzet wos den trofee van de Gouden Boom.

In 2002 wierd er 'n actueler bild van Vloandern getôond me accenten up de rolle van de stedelijke magistroaten en de gilden en ambachten in undere stryd tegen de vorsten. Verder is de Praalstoet van de Gouden Boom 'n kleurrijk spektoakel me 2 000 figuranten, zes reuzen en twoalf praalwoagens.

Vôorprogramma[bewerkn | brontekst bewerken]

In 2007 was 't er ôok 'n “vôorprogramma”: 'n toer met de velo via zes platsen die in 1468 decor woaren vo de feestn vo de trouw van Margaretha van York en Karel den Stoutn. Vertrek in Sluus, noa Damme, via de Kruuspôorte, 't Prinsenhof en de Burg noa de Brugse Mart.

Wikimedia Commons