Margaretha van York

Van Wikipedia
Margaretha van York
1446-1503
Margaretha van York
Ertoginne van Bourgondië, Luxemburg, Brabant en Limburg


Groavinne van Vloandern, Enegouwn, Olland en Zêeland, Artesië, Naamn en Bourgondië
Periode1468 -1477
VôorgangerIsabella van Portugal
IpvolgerMaximiliaan van Oostnryk
VoaderRichard van York
MoederCecily Neville

Margaretha van York (Fotheringay Castle, 3 meie 1446Mecheln, 23 november 1503) was ’n dochter van Richard van York en Cecily Neville, en de zuster van twi Ingelsche keuningn, Edward IV en Richard III.

In 1468, an eur 22 joar, stak ze ‘t Kanoal over vor in de Nederlandn de derde vrouwe te wordn van Karel den Stoutn, ertog van Bourgondië. D’n neegnstn juli 1468 trouwde ze in Brugge. (D'intrede van Karel en Margaretha is olle 5 joar in Brugge erdacht in de Gouden Boomstoet). Z’aan gin kinders mo Karel, die dertien joar ouder was of zy, aad ’n dochter van z’n twidde vrouwe Isabelle van Bourbon: Maria van Bourgondië. Maria was ton elf joar oud en ze kwam vree goed overeen met eur stiefmoeder. Ip politiek vlak aad Margaretha ’n positievn invloed ip ’t contact tusschn eur vint Karel en eur broere Edward IV.

Karel den Stoutn sneuvelt[bewerkn | brontekst bewerken]

Achter de dood van Karel den Stoutn, d’n vuufdn januoari 1477, vestigde z’eur in Mecheln, en z’ielp eur stiefdochter Maria mè ‘t besteur van de Nederlandn. En os ze probleemn aad mè Lodewyk XI van Vrankryk, zocht z’ulpe by eur broere, de keunink van Iengeland. Ze zorgde d’r ook voorn da Maria koste trouwn mè Maximiliaan van Oostnryk.

Maria van Bourgondië veroungelukt[bewerkn | brontekst bewerken]

Achter de dood van Maria, d’n zevenentwintigstn moarte 1482 brocht z’eur stiefkleenkinders Filips den Schoonn en Margaretha ip in Mecheln. In 1486 schounk z’eur paleis aan de stad Mecheln.

Margaretha van York was ’n intelligente vrouwe. Ze was zot van literateure en boekn. ‘t Eeste in ‘t Ingels gedrukt boek wierd in ipdracht van eur gemakt in 1474 deur William Caxton. Ze brocht d’ Ingelsche cultuur no ‘t Europees vasteland en omgekeerd. Z’eet ’n importente rolle gespeeld in de Nederlandn en surtout in de stad Mecheln. D’ountvangstzoale van eur hof in de Keizerstroate is nog bewoard.

Ze stierf in 1503 korts achter dat eur stiefkleenzeune Filips were was van Spanje. Z’ee gelukkig z’n dood in 1506 nie mee meegemakt. Z’is begroavn in de Mechelsche Minderbroederskerke.