Hollands (dialect)

Van Wikipedia
Naar navigatie springen Naar zoeken springen
Verspreidienge van 't Hollands dialect

Hollands is e dialect van 't Nederlands die surtout geklapt wordt in de provinsjes Nôord-Holland en Zuud-Holland, moar ook in Utrecht en Flevoland. In Vloandern wordt den term 'Hollands' gebruukt vo te verwyzn noa 't Nederlands da geklapt wordt in Holland.

In de 16e êeuwe ountstound de Nederlandsche standaardtoale, woaby dan d' Hollandsche en Brabantsche dialectn van 't grotste belang woarn. Dat is de reedn woarom dat in de volkstoale van verschillige Hollandsche provinsjes nog assan den term 'Hollands' gebruukt wordt vo 't standaardnederlands.

Geschiedenisse[bewerkn | brontekst bewerken]

't Hollands, de toale van 't Groafschap Holland, was ôorsprounkelik 'n Ingveoonsche (Nôordzêegermoansche) toale. In de vroege middelêeuwn trokk'n Oudfries en Oudiengels styf goed ip mekoar. Round d' 11ste êeuwe kwam 't Hollands ounder invloed van Nederfrankische dialectn. Surtout Zuud-Holland (te zuudn van 't Ey) verloor zyn Ingveoons karakter. Nôord-Holland en de kust oungeveer tout in Scheveniengn hieldn wel e Frieschn inslag.

Ounderverdêlienge[bewerkn | brontekst bewerken]

Hollands dialect:

  • Zuud-Hollands
  • Nôordwesthoeks
  • Woaterlands
  • Zaans
  • Kennemerlands
  • West-Fries
  • Bildts, Midslands, Stadsfries en Amelands

Die latste groep bestoat uut dialectn die in Friesland geklapt wordn en woaby dat de Frieschn invloed nog zo sterk is dan ze dikwils nie by 't Hollands gerekend wordn.