Jan Guilini

Van Wikipedia
Naar navigatie springen Naar zoeken springen
Dat artikel es oorsprounkelik geschreevn in 't Kustwestvlams.

Jan Guilini (Blanknberge, 29 juni 1912 - Oranienburg (Brandenburg), 22 meie 1944) was e Blanknbergsche zwemmer en verzetsstryder. In de joarn 1930, 1940 wast 'n by de beste zwemmers van België en je zat binst de Twêede Weireldoorloge by 't verzet.

Ols lid en zwempupil van de Brugsche Zwemkrieng wierd Guilini in 1928 kampioen van België in de crawl over de 400 m. In de periode 1930-1935 zette Guilini al de Belgische kampioenschappn en recordtydn over d' 100, 200, 400 en 1.500 m. crawl ip zyn noame.

Jan Guilini, die hotelhouder was, weunde binst den oorloge ip de zêedyk van Blanknberge in Villa Roxy. Den 11stn oktober 1941 zagt 'n 's nuchtends vroeg e vlieger van de Royal Air Force in zêe liggn vo de Piere. Guilini, die e goeie zwemmer was, èt ton in styf moeilike omstandigheedn vuuf Iengelsche vliegeniers uut zêe gered die doa neregestort woarn.

Den 12stn december 1941 krêeg Guilini de Nationale trofee vo sportverdienste. Moa deur zyn reddiengsacsje wierd 'n extra in de goatn g'houdn deur de Duutschers. Je wierd den 3e moarte 1942 ang'houdn ip groend van spionage en noa Duutsland gevoerd. Je kwam van 't êen concentroasjekamp in 't ander terechte en de 22ste meie 1944 wierd 'n oenthoofd in 't concentroasjekamp Sachsenhausen in Oranienburg (Brandenburg).

In Brugge krêeg de stedelike zwemkomme den 18ste november 1945 de noame Jan Guilinibad en in Blanknberge is 't Jan Guilinipad by de Nôordzêezwemkomme noar hem vernoemd.

Externe link[bewerkn | brontekst bewerken]