Joanna II van Navarra

Joanna II van Navarra (28 januoari 1312 – 6 oktober 1349) was keuniginne van Navarra van 1328 tout an heur dôod.

Ze was de dochter van Louis X, keunienk van Vrankryk en Navarra, en zyn êeste vrouwe Marguerite van Bourgondië. Ze was zyn êenigste kiend dat overleefde. Me zyn twidde vrouwe, Clementia van Hongareye, ha Louis X e postuum geboorn zeuntje, Jean I, die mo vuuf doagn blêef leevn.

Joanna was in feite erfipvolgster. Mo de broere van heur voader, Philippe V, liet ip ground van de Salische Wet d'ipvolgienge van vrouwn anvechtn en kost azo zyn broere ipvolgn. Mo Philippe V en zyn joungere broere Charles IV haan ook gin mannelikke erfgenoamn.

Achter 'n dôod van Charles IV, in 1328, wierd Joanna erkend als keuniginne van Navarra. In Vrankryk kwam Philippe van Valois keunienk.

Joanna trouwde ip 18 juni 1318 me Philippe van Évreux, die mee met heur gekrôond wierd als Philippe III van Navarra.

Je was e zeune van Louis van Évreux, de derde zeune van Philippe III van Vrankryk en zyn twidde vrouwe Marie van Broabant, en dus een halfbroere van Philippe IV le Bel.

Under jounges

• Joanna (1325-1387)
• Marie (1330-1347)
• Charles II de Slichtn (1332-1387), groaf van Évreux en keunienk van Navarra.
• Blanche (1333-1398), in 1349 getrouwd me Philippe van Valois, keunienk van Vrankryk
• Agnès (1334-1396)
• Philippe (1336-1363)
• Joanna (1339-1403)
• Louis (1341-1376)

Ofbeeldiengn die ier by passn ku je vien in de categorie Joan II of Navarre van Wikimedia Commons.