Philippe V van Vrankryk

Van Wikipedia
Naar navigatie springen Naar zoeken springen
Philippe V
1293-1322
Philippe V Le Long.JPG
France Ancient Arms.svg
Coat of Arms of the Kingdom of Navarre (Variant).svg
Keunienk van Vrankryk en Navarra
Periode1316-1322
VôorgangerJean I
IpvolgerCharles IV/I
Armoiries Comté de Bourgogne ancien.png
Groaf van Bourgondië
Periode1315-1322
(me Joanna II van Bourgondië)
VôorgangerRobert van Bourgondië
IpvolgerJoanna II van Bourgondië
(allêene 1322-1330)
Count of Poitiers Arms.svg
Groaf van Poitiers
Periode1311-1316
VôorgangerKrôondomein
(latstn: Alphonse van Poitiers)
IpvolgerKrôondomein
(volgendn: Louis I van Anjou)
VoaderPhilippe IV
MoederJoanna I van Navarra

Philippe V, bygenoamd de Langn (Frãns: le Long) van 't Huus Capet, (Vincennes, 17 november 1293-Longchamp, Parys, 3 januoari 1322), was e zeune van keunienk Philippe IV le Bel en keuniginne Joanna I van Navarra. Als twidde zeune krêegt ie in 1311 et groafschap Poitiers.

De krôonienge van Philippe V in de kathedroale van Reims

Je trouwde in 1307 me Joanna II van Bourgondië, een dochter van groaf Otto IV van Bourgondië en gravinne Mathilde van Artesië.

In 1315 kwamt ie groaf van Bourgondië, achter 'n dôod van zyn 15-joarige schonbroere Robert van Bourgondië.

Zyn oudere broere Louis X volgde zyn voader ip in 1314, mo je stierf al in 1316. J'haad een dochter, Joanna II van Navarra, van zyn êeste vrouwe Marguerite van Bourgondië. Zyn twidde vrouwe Clementia van Hongareye was in verwachtienge. Philippe krêeg 't regentschap over et keunienkryk. Ip 15 november 1316 beviel Clementia van e zeune, die de noame Jean I krêeg. Je leefde mo 5 doagn en Philippe volgdeg hem ip als keunienk van Vrankryk en keunienk van Navarra (als Philippe II).

Mo den oadel kwam in verzet, want ze steundn de dochter van zyn broere Louis X. Philippe most d'ipvolgienge van vrouwn anvechtn en je liet hem ip ground van de Salische Wet als keunienk erkenn. Ip 9 januoari 1317 liet ie hem krôonn in de kathedroale van Reims.

Compromis me Vloandern[bewerkn | brontekst bewerken]

Achter de vele probleemn met et ryke Groafschap Vloandern, zochtn ze een iplossienge vor e zoveelste militair conflict te vermyen. De Brugse Mettn en et feit dan de Vloamiengn Philippe IV le Bel in 1302 versleegn haan binst de Guldnspoornslag, lag nog assan ip under lever. Louis X haad doarip den export van groan en ander materioal no Vloandern verboodn in 1315.

Philippe V en groaf Robrecht van Béthune kwoamn tout e compromis in 1320: Marguerite, de twidde dochter van Philippe, wierd uutg'huwelikt an Lodewyk II van Nevers, de klêenzeune van Robrecht, die hem loater ipvolgde als Lodewyk I van Vloandern.

Zyn jounges me Joanna II van Bourgondië[bewerkn | brontekst bewerken]

Philippe V ha gin mannelikke erfgenoamn ost ie in 1322 stierf. Doarom volgde zyn joungere broere Charles hem ip.

Wikimedia Commons