Kamsalamander

Van Wikipedia

De Kamsalamander (Triturus cristatus) es een sôorte salamander.

Uutzicht[bewerkn | brontekst bewerken]

De kamsalamander keun je erkennen an't feit da't ie grôot en dounker es me spikkels ip zyn zykantn. Zyne buuk es geel tot oranjerôod me zwarte plekkn. De kele es dounker, moar mè gryze en witte spikkels. 't Es de grôotste salamander van de streke, de vrouwkes keun tot 17 cm grôot koomn, de mannekes tot 14 cm.

In de poariengstyd ein de mannekes ne grôte scherpe rugkam die dudelik geschêed es van de steirtkam. Ip de steirt zie je ton ôok een zilverkleurige strepe. De vrouwkes ein een oundiepe groeve ip de rugge.

Leevnscyclus[bewerkn | brontekst bewerken]

De cyclus begunt loater dan by andre salamanders. Vrouwkes leggn 200 tot 300 eiers in juni, woaruut da er van eind juni tot olf september larvn koomn. De larve kan tot 8 cm lang koomn en es te erkenn an de dunne têenn. Ze oundergoan metamorfose in ogustus-september.

Verspreidienge[bewerkn | brontekst bewerken]

Ge keunt de kamsalamander in hêel België vindn. An de kust zit ie overol, moar vôorol in de duunn an de Westkust. In een tellienge in 2004 bleek ie verdweenn te zyn uitgenoomn in de Westoek. In het Zuud-Westn va West-Vloandern keun je em ôok vindn.

Leevnswyze[bewerkn | brontekst bewerken]

De kamsalamander komt vôorn in streekn me oagn, outwalln, knotbôomn, rietkroagn en vochtige bossn. Natuurlik moet er oltyd woater in 't geburte zyn.

Externe koppelienge[bewerkn | brontekst bewerken]

Wikimedia Commons