Karel I Robert van Hongareye

Van Wikipedia
Zyn standbeeld, Heldnpling (Hősök tere) in Boedapest.
Ip zyn woapnschild de Árpád striepn en de fleurs-de-lis van et Huus Capet.

Karel I Robert van Hongareye (Hongaars: Károly Róbert), van 't Huus Capet-Anjou, (Noapels, 1288 - Visegrád, 16 juli 1342) was keunienk van Hongareye en Krowoasje van 1308 tout an zyn dôod.

Je was den êenigste zeune van Charles Martel van Anjou en van Clemence van Habsburg, dochter van de Rôoms-Duutsche keunienk Rudolf I van Habsburg.

Zyn voader was den oudste zeune van Charles II van Noapels en van Maria van Hongareye, e zuster van keunienk Ladislaus IV van et Huus Árpád. Os heur broere Ladislaus in 1290 zounder jounges stierf, wilde ze dat heur zeune Charles Martel hem ipvolgde. Moar heur kozn Andreas III wierd verkoozn deur den oadel.

In 1308 kost Karel Robert keunienk van Hongereye wordn, en et Huus Capet-Anjou blêef over Hongareye regeern van 1308 tout 1395.

Deurda zyn grotvoader Charles II keunienk van Noapels was, haad ie kunn ansproake moakn ip et keunienkryk Noapels, mo 't was zyn nounkel Robert, de joungere broere van zyn voader, die keunienk van Noapels kwam.

In 1333 sloot Karel Robert een akkôord me zyn nounkel Robert in verband me d'erfipvolgienge van Noapels. Karel zyn zeune, Andreas van Calabrië, wierd uutgehuwelikt an de klêendochter van zyn nounkel, Johanna I van Noapels, dochter van Karel van Calabrië.

't Congres van Visegrád van 1335[bewerkn | brontekst bewerken]

In november 1335 wierd er een byêenkomste g'organiseerd tusschn Karel Robert, Casimir de Grôotn en Jan de Blendn, als keunienk van Hongareye, Pooln en Boheemn, et hudige Tsjechië. Ze kwoamn tegoare in 't keunienklik kastêel van Visegrád, da ton 't polletiek center van Hongareye was. De boasis wierd doa geleid vor een anti-Habsburg alliãnsje. 't Wierd ook ofgesprookn da Casimir, die allêene mo dochters haad, mocht ipgevolgd wordn als keunienk van Pooln deur Lodewyk I van Hongareye, de zeune van zyn zuster Elisabeth, die getrouwd was me Karel Robert.

Ter herinnerienge an da congres is ip 15 februoari 1991 in Visegrád de Visegrádgroep gesticht.

Vrouwn en jounges[bewerkn | brontekst bewerken]

Karel Robert trouwde me:

  1. Marie van Bytom, dochter van hertog Casimir II van Bytom, in 1306.
  2. Beatrice van Luxemburg, zuster van Jan I van Boheemn, in 1318. Dochter van keizer Hendrik VII en Margaretha van Broabant.
  3. Elisabeth van Pooln, zuster van Casimir III van Pooln, in 1320. Dochter van keunienk Władysław I de Kortn.

Zyn jounges met Elisabeth:

  • Karel (1321 † 1321) ;
  • Ladislas (1324 † 1329) ;
  • Lodewyk I (1326 † 1382), keunienk van Hongareye en Pooln
  • Andreas (1327 † 1345), hertog van Calabrië, getrouwd me Johanna I van Noapels
  • Stefan (1332 † 1354), hertog van Slavonië
Wikimedia Commons