Huus Capet-Anjou

Van Wikipedia
Naar navigatie springen Jump to search

't Huus Capet-Anjou of 't Huus Anjou-Sicilië was e zytak van 't Frãns Huus Capet.

De stichter was Charles I van Anjou, de joungste zeune van keunienk Louis VIII van Vrankryk. Je was groaf van Anjou en van 1266 keunienk van Sicilië, dat ton nie allêene bestound uut et eiland, moar ook uut den ounderstn helt van et Italioans schiereiland.

Os zyn zeune Charles II van Anjou hem ipvolgde, haan ze 't eiland verloorn binst de Vespersoorloge en wierd den ounderstn helt van et Italioans schiereiland et keunienkryk Noapels genoemd, lik den hoofdstad.

Charles II trouwde mè Maria van Hongareye, e zuster van keunienk Ladislaus IV van et Huus Árpád. Os heur broere Ladislaus in 1290 zounder jounges stierf, wilde ze dat heur zeune Charles Martel hem ipvolgde. Moar heur kozn Andreas III wierd verkoozn deur den oadel.

Charles Martel trouwde mè Clemence van Habsburg, dochter van de Rôoms-Duutsche keunienk Rudolf I van Habsburg, en 't was uutendelik under zeune Karel I Robert die in 1308 den êeste keunienk van Hongareye van 't Huus Capet-Anjou kwam. Et Huus blêef over Hongareye regeern van 1308 tout 1395.

Deurda Karel Robert zyn grotvoader, Charles II, keunienk van Noapels was, had ie ook ansproake kunn moakn ip et keunienkryk Noapels, mo 't was zyn nounkel Robert, de joungere broere van zyn voader Charles Martel, die keunienk van Noapels kwam.

In 1333 sloot Karel Robert een akkôord me zyn nounkel Robert in verband me d'erfipvolgienge van Noapels. Karel zyn zeune, Andreas van Calabrië, wierd uutgehuwelikt an de klêendochter van zyn nounkel, Johanna I van Noapels, dochter van Karel van Calabrië.

Karel zyn oudste zeune, Lodewyk I volgdeg hem ip in Hongareye en je was ook keunienk van Pooln.

Keuniengn van Noapels van et Huus Capet-Anjou[bewerkn | brontekst bewerken]

Portreit Noame Regeerperiode Nota's
Palazzo Reale di Napoli - Carlo I d'Angiò.jpg Charles I van Anjou 1282-1285
êest van 1266-1282
keunienk van Sicilië
Zeune van keunienk Louis VIII van Vrankryk en van Blanche van Castilië.
Charles 2 of Naples.jpg Charles II van Anjou 1285-1309 Zeune van Charles I van Anjou
Robert of Naples (head).jpg Robert I van Noapels 1309-1343 Zeune van Charles II van Anjou
Joan I of Naples (head).jpg Johanna I van Noapels 1343-1382 Klêendochter van Robert I; dochter van zyn zeune Karel van Calabrië
Louis of Taranto.jpg Louis van Taranto 1348-1362 Twidde vint van Johanna I; klêenzeune van Charles II; zeune van zyn vierde zeune Philippe I van Taranto; gin ipvolgers

Keuniengn van Hongareye van et Huus Capet-Anjou[bewerkn | brontekst bewerken]

Portreit Noame Regeerperiode Nota's
Charles I (Chronica Hungarorum).jpg Karel I Robert 1308-1342 Zeune van Charles Martel van Anjou
Louis I (Chronica Hungarorum).jpg Lodewyk I
(de Grôotn)
1342-1382 Zeune van Karel I Robert van Hongareye en Elisabeth van Pooln
Mária Thuróczy.jpg Maria van Hongareye 1382-1385 Zyn dochter, ze trouwde mè Sigismund van Luxemburg
Kis Karoly TK.jpg Karel II 1385-1386 Ook keunienk van Noapels
Mária Thuróczy.jpg Maria van Hongareye 1386-1395 Van 1387 tegoare met heur vint Sigismund van Luxemburg

Keuniengn van Pooln van et Huus Capet-Anjou[bewerkn | brontekst bewerken]

Portreit Noame Regeerperiode Nota's
Ludwik Węgierski by Bacciarelli.jpg Lodewyk I
(de Grôotn)
1370-1382 Zeune van Karel I Robert van Hongareye en van Elisabeth van Pooln, e zuster van Casimir III van Pooln
Jadwiga by Bacciarelli.jpg Hedwig van Anjou 1384-1399 Dochter van Lodewyk I en Elisabeth van Bosnië; regeerde tegoare met heur vint Władysław II Jagiełło van 1386
Wikimedia Commons